सामाजिक सुरक्षा कार्यक्रम लागु गर्न मजदुर नेताहरुको सरकारसंग माग

काउन रुपन्देही अध्यक्षमा सूूर्यदेव दास
बुटवल, २७ साउन । असंगठित क्षेत्रका मजदुरहरुको हितका लागि योगदानमा आधारित सामाजिक सुरक्षा कार्यक्रम लागु गर्न सरोकारवालाले सरकारसंग माग गरेका छन् । सामाजिक र आर्थिक रुपमा श्रमिक वर्गको सुरक्षाका लागि तत्काल सामाजिक सुरक्षा कार्यक्रम कार्यान्वयन गर्नुपर्ने सरोकारवालाहरुको माग छ ।
नेपाल निर्माण तथा सम्बद्व श्रमिक संघ (काउन) रुपन्देहीको बुधबार सम्पन्न २० औं वार्षिक परिषद् तथा चौथौ अधिवेशनमा बोल्ने मजदुर अगुवाहरुले श्रमिक वर्गको हितमा कार्यक्रम ल्याउन सरकारसंग माग गरेका हुन् । निर्माणको क्षेत्रबाट सदियौदेखि राज्य र सरकारलाई ठूलो सहयोग गर्र्दै आएको श्रपमिक वर्ग अहिलेपनि राज्य र सरकारबाटै उपेक्षित रहेको सरोकारवालाहरुको गुनासो छ ।
कार्यक्रममा बोल्दै नेपाल निर्माण तथा सम्बद्व श्रमिक संघका केन्द्रिय अध्यक्ष जेवी गुरुङले सामाजिक सुरक्षा कार्यक्रम लक्षित वर्गसम्म नपुगेको बताउनु भयो । श्रमिक वर्गका समस्यालाई सम्बोधन गर्नुपर्ने र त्यसका लागि सामाजिक सुरक्षा कार्यक्रम कार्यान्वयन गर्नुपर्ने केन्द्रिय अध्यक्ष गुरुङको भनाइ छ ।
उहांले सरकारले मजदुर वर्गको पक्षमा सामाजिक सुरक्षा कार्यक्रम लागु नगर्दा श्रमिक वर्ग सामाजिक र आर्थिक रुपमा अपहेलित हुनु परेको बताउनु भयो । काउनका केन्द्रिय वरिष्ठ उपाध्यक्ष ओमप्रकाश चौधरीले समाजले मजदुर वर्गलाई हेर्ने दृष्टिकोणमा परिवर्तन आउन नसकेकोप्रति चिन्ता गर्नुभयो । असंगठित क्षेत्रका मजदुहरुले विरामी हुंदा र दुर्घटनामा परेको बेलामा पनि उपचार गराउन नसकेर ज्यान गुमाउनु परेको उहांले बताउनु भयो ।
नेपाल टे«ड युनियन कांगे्रसका लुम्बिनी प्रदेश उपाध्यक्ष कृष्णप्रसाद बेलवासेले सामाजिक सुरक्षा कार्यक्रम कार्यान्वयन भएमा श्रमिक वर्गले राहत पाउने बताउंदै श्रमको सम्मान गर्नुको विकल्प नभएको उल्लेख गर्नुभयो ।
काउनका केन्द्रिय सदस्य नारायण सुनारले असंगठित क्षेत्रका मजदुहरुले विरामी हुंदा र दुर्घटनामा परेको बेलामा पनि उपचार गर्न नसकेर ज्यान गुमाउनु परेको अवस्था अहिले पनि कायमै रहेको भन्दै चिन्ता व्यक्त गर्नुभयो । काउन बुटवलका निवर्तमान अध्यक्ष सूर्यदेव दासले सधैभर काम गरेर सांझ बिहान गुजारा चलाउने श्रमिक वर्गको जीवनमा परिवर्तन आउन नसकेको बताउनु भयो ।
कार्यक्रममा काउन महिला लुम्बिनी प्रदेश उपाध्यक्ष बेचुकुमारी चौधरी, काउन रुपन्देही निवर्तमान अध्यक्ष शुसिल घिमिरे, काउन सैनामैनाका अध्यक्ष पिताम्बर न्यौपाने लगायतले आआफ्ना भनाई राख्नुभएको थियो । काउन रुपन्देही अध्यक्ष बिरबहादुर लामाको अध्यक्षता, उपाधयक्ष हिराबहादुर थापाको स्वागत र कृष्णप्रसाद चौधरीको सञ्चालनमा कार्यक्रम भएको थियो ।
यसैविच बुधबार सम्पन्न काउन रुपन्देहीको चौथौ अधिवेशनले सूर्यदेव दास अध्यक्ष रहेको जिल्ला काउनको नयाँ नेतृत्व सर्वसम्मत चयन गरेको निर्वाचन समितिका प्रमुख खिमानन्द भट्टराइले जानकारी गराउनु भयो । समितिको उपाध्यक्षमा हिराबहादुर थापा, महिला उपाध्यक्षमा मोहिनी चौधरी थारु, सचिवमा सोम बहादुर थापा, कोषाध्यक्षमा नरसिंह राव र सह–सचिवमा इन्द्रराज चौधरी निर्वाचित हुनुभएको छ । त्यसैगरी महिला सदस्यमा शारदा थारु, सदस्यमा भरत चौधरी र हद्धिष धोवी निर्वाचित हुनुभएको छ ।
११ सदस्यीय कार्य समितिको निर्वाचन गर्नुपर्ने विधानमा ब्यवस्था भएपनि दुई जना सदस्यको उम्मेदवारी नपरेको र दुई जना अध्यक्षले मनोनित गर्ने ब्यवस्था अनुसार अव चार जना सदस्य समितिले मनोनित गर्ने छ । यस्तै नवनिर्वाचित समितिले कृष्ण प्रसाद चौधरीलाई जिल्ला काउन रुपन्देहीको सल्लाहाकारमा चयन गरेको छ ।