रुपन्देही प्रहरीद्वारा दुई लाख बढि मूल्यको अवैध सालको काठ बरामद

भैरहवा, २६ साउन । जिल्ला प्रहरी कार्यालय रूपन्देहीले लुकाई छिपाई राखेको अबैध सालको काठ बरामद गरि आवश्यक कारवाहीको लागि बन कार्यालय पठाएको छ ।
साउन २५ गते सांझ ५ बजेको समयमा जिल्ला प्रहरी कार्यालय मातहत सालझण्डीबाट खटिएको प्रहरी टोलीले रुपन्देही सैनामैना नगरपालिका वडा नं.–११, पिपलडाँडा स्थित फोहोर फ्याक्ने डम्पिङ साईडमा जमिन मुनि सालको काठ लुकाइ राखेको सालको काठ बरामद गरेको हो ।
बिशेष सूचनाका आधारमा ईलाका प्रहरी कार्यालय सालझण्डीबाट प्रहरी निरीक्षक दिवाकर रिजालको कमाण्डमा खटिएको प्रहरी टोलीले जमिन मुनि लुकाई छिपाई राखेको १३ गोलिया ९४.५३ क्यू फिट अन्दाजी मूल्य रु. २ लाख ३५ हजार बराबरको अवैध सालको गोलिया काठ बरामद गरेको हो । बरामद गरिएको काठ आवश्यक कारवाहीको लागि कञ्चन सव– डिभिजन बन कार्यालय फायरलाईन रुपन्देही पठाईएको जिल्ला प्रहरी कार्यालयका प्रहरी प्रवक्ता प्रहरी नायव उपरीक्षक सत्यनारायण थापाले जानकारी दिनु भयो ।