बुटवल, १३ साउन । लिम्घा रुपन्देही सम्पर्क समाजले रुपन्देहीको बुटवल उपमहानगरपालिका वार्ड नं ४, लक्ष्मीनगर स्थित लक्ष्मीपार्कमा सभाहल (ट्रस) निर्माण गर्न लागेको छ । गुल्मी जिल्लाको साविक लिम्घा गाविस (हाल सत्यवती गाउँपालिका) बाट बसाई सराई गरी रुपन्देहीका विभिन्न ठाउंमा रहेका लिम्घेलीहरुविच भाईचाराको सम्वन्ध स्थापित गर्दै नियमित भेटघाट तथा सम्पर्क गर्ने कोही कसैमा समस्या आईपरेमा सक्दो सहयोग गर्ने उद्देश्यले सम्पर्क समाजको स्थापन गरिएको हो । समाजको आफ्नै भवन तथा कार्यालय नभएको अवस्थामा सबै लिम्घेलीहरुको साथ र सहयोगमा लक्ष्मीपार्कमा सभाहल (ट्रस) निर्माण गर्न लागिएको समाजका सल्लाहकार धर्मदत्त ज्ञवालीले बताउनु भयो । समाजले लिम्घामा बसोबास गर्ने तथा लिम्घाबाट बसाईसराई गरी रुपन्देही आएका लिम्घेलीहरुलाई सभाहल निर्माण सहयोग गर्न आग्रह समेत गरेको छ ।
समाजको आग्रह अनुसार समाजका सल्लाहकार, पदाधिकारी, सदस्य तथा विभिन्न दाताहरुले दुई लाख बढि आर्थिक सहयोग गरेका समाजका अध्यक्ष परमानन्द भट्टराईले बताउनु भयो । उहांका अनुसार शंकर ज्ञवालीले ५१ हजार १, लोकनाथ उपाध्यायले २५ हजार १०१, ओम ज्ञवालीले २१ हजार ७७७, धर्म ज्ञवालीले २० हजार १०१, परमानन्द भट्टराईले १५ हजार १०१, डिल्लीरीज उपाध्यायले १५ हजार १, प्रेमनिधि ज्ञवालीले १० हजार १०१, लेखबहादुर शाहीले १० हजार १०१, टिकाराम ज्ञवालीले १० हजार १०१, नन्दकला उपाध्यायले १० हजार १०१, राजकुमार शाहीले १० हजार १०१ र मन्जु मल्लले १० हजार १०१ रुपैयाँ सहयोग गर्नुभएको छ । यस्तै हरिराम पौड्यालले ५ हजार १०, श्रीराम पौड्यालले ५ हजार १, सरस्वती ज्ञवालीले ५ हजार १ र गोमा ज्ञवालीले ५ हजार १ रुपैयाँ सहयोग गर्नुभएको छ ।
समाजले सभाहल निर्माणमा आर्थिक सहयोग गर्ने दाताहरुलाई सहयोग राशी अनुसार सम्मान गर्ने नीति बनाएको छ । जसअनुसार एकलाख भन्दा बढी सहयोग गर्ने दाताको एकाघरको परिवारको नाम संगमरमरमा लेखी ताम्र पत्र द्वारा सम्मान गरिने, पचार हचार भन्दा बढी सहयोग गर्ने दातालाई समाजको आजीवन सदस्यता, संगमरमरमा नाम सहित सम्मान, पचिस हजार भन्दा बढी रकम सहयोग गर्ने ब्यक्ति वा संघ सस्थाको नाम संगमरमरमा लेखि सम्मान, दश हजार भन्दा बढी सहयोग गर्ने दाताहरुको नाम संगमरमरमा उल्लेख गरी सम्मान तथा पाँच हजार भन्दा बढी सहयोग गर्ने दाताहरुलाई चाँदीको फ्रेममा प्रमाणपत्र सहित सम्मान गरिने समाजका कोषाध्यक्ष प्रेमनिधी ज्ञवालीले बताउनु भयो । लक्ष्मी पार्कमा निर्माण गरिने एक कोठा र मञ्च सहितको सभाहलको नक्शा डिजाईन ईन्जिनियर कमल शाहीले गर्नुभएको हो ।
