तिलोत्तमामा साउन ४ गतेसम्म राजस्व सम्बन्धि कारोबार बन्द

तिलोत्तमा, ३१ असार । रुपन्देहीको तिलोत्तमा नगरपालिकामा भोलि (शुक्रबार) देखि ४ दिनसम्म राजश्व सम्बन्धि सबै कारोबार बन्द हुने भएको छ । नगरपालिका अन्तरगत रहेका सबै वडा कार्यालयहरुमा समेत साउन ४ गतेसम्म राजश्वसँग सम्बन्धित कारोबार बन्द हुने नगरपालिकाले जनाएको छ ।
नगरपालिकाले आज जारी गरेको सूचनामा नयाँ आर्थिक वर्ष २०७८÷७९ का लागि आर्थिक ऐन २०७८ बमोजिम राजस्वको सफ्टवेयरलाई अद्यावधिक गर्नुपर्ने भएकोले काम बन्द गर्नु परेको उल्लेख गरिएको छ । ‘साउन १ गतेदेखि ४ गतेसम्म नगरपालिकाको सबै वडा कार्यालयहरु लगायत मुख्य प्रशासनिक कार्यालयमा राजस्व सम्बन्धि सबै कारोबार बन्द हुने व्यहोरा सम्बन्धित सबैको जानकारीको लागि अनुरोध गरिन्छ ।’ नगरपालिकाले जारी गरेको सुचनामा उल्लेख गरिएको छ । श्रावण ५ गतेबाट सबै कारोबार यथावत रुपमा सूचारु हुने नगरपालिकाले जनाएको छ ।