२२ लाखको हरियो मटर र ७ लाखका खसी \बोका बरामद

रामकुमार श्रेष्ठ
नवलपरासी, २९ असार । जिल्ला प्रहरी कार्यालय पश्चिम नवलपरासीले अवैध रुपमा भारततर्फ लैजादै गरेको २२ लाख मूल्य बराबरको हरियो केराउ (मटर) र ७ लाख मूल्य बराबरका खसी बोका बरामद गरेको छ ।
६ वटा पिकअप भेनमा राखेर लैजादै गरेको अवस्थामा १ सय ८० क्विण्टल केराउ बरामद गरिएको प्रहरी उपरीक्षक मनोज कुमार यादवले जानकारी दिनुभयो । सोमबार राति पक्राउ परेका पिकअप भेन मध्ये ५ वटा बेलाटारी क्षेत्रबाट र १ वटा परासी क्षेत्रबाट नियन्त्रणमा लिइएको प्रहरीले जनाएको छ । एक पिकअप भेनमा ३० क्विण्टलका दरले मटर लोड गरिएको थियो ।
सीमावर्ती नाका बसैयाबाट भारततर्फ लैजानका लागि ल्याइएको मटर र सवारीसाधनलाई आवश्यक कारबाहीका लागि महेशपुर भन्सार कार्यालय पठाइएको प्रहरी उपरीक्षक यादवले जानकारी दिनुभयो । नेपालमा भन्दा भारतमा महंगोमा बिक्री हुने भएकाले नवलपरासीको नाकाहुँदै भारततर्फ मटर तस्करी हुने गरेको छ । प्रहरीले ठूलो मात्रामा मटर बरामद गर्ने गरेपनि तस्करी कार्य भने रोकिएको छैन । अहिले भूजहवा, झोलनीपुर र बसैया नाकाबाट मटर तस्करी हुँदै आएको छ ।
७ लाख मूल्यका खसी÷बोका पक्राउ
भारतबाट नेपालतर्फ ल्याउँदै गरेको ७ लाख मूल्य बराबरका खसी÷बोकालाई प्रहरीले पक्राउ गरेको छ । भारतबाट हिडालेर ल्याउँदै गरेको अवस्थामा ४५ जीउ खसी÷बोकालाई सेमरी क्षेत्रबाट पक्राउ गरिएको प्रहरी उपरीक्षक यादवले बताउनु भयो । पक्राउ परेका खसी÷बोकालाई आवश्यक कारबाहीका लागि महेशपुर भन्सार कार्यालय पठाइएको प्रहरीले जनाएको छ ।