आवश्यक कारवाहीका लागि राजश्व कार्यालय बुटवलमा बुझाईयो
भैरहवा, २५ असार । जिल्ला प्रहरी कार्यालय रूपन्देहीले नियम विपरित संचालन भएका र बढि तौल बोकेका भारतिय नम्वर प्लेटका १५ वटा गाडी नियन्त्रणमा लिएको छ ।
जिल्ला प्रहरी कार्यालय र मातहतका प्रहरी कार्यालयबाट खटिएको प्रहरी टोलीले अबैध रुपमा राजश्व छली गरी नियम विपरित संचालन भएका १५ वटा भारितय नम्बर प्लेटका गाडी र चालकहरुलाई बुटवल उप–महानगरपालिका वडा नं.–२ जितगढीबाट नियन्त्रणमा लिएको हो ।
विहिबार दिउसो १ बजे देखि अपरान्ह ५ बजेसम्म पसश्चिमबाट पूर्व तर्फ जांदै गरेका फलफुल ढुवानी गर्ने भारतिय नं.प्लेटका सवारी साधनलाई रोकी चेकजाँच गर्ने क्रममा नियम विपरित संचालनमा ल्याईएका र बढी तौल भएका पाईएकाले गाडी सहित चालकलाई नियन्त्रणमा लिइएको प्रहरीले जनाएको छ । प्रहरीले बिल भरपाई, पश्चिमाञ्चल यातायात व्यबसायी समिति प्रधान कार्यालय बुटवलको धर्मकाँटाको रसिद, सवारी दर्ता किताब सहित गाडी र चालकहरुलाई नियन्त्रणमा लिई आवश्यक कारवाहीको लागि आन्तरिक राजश्व कार्यालय बुटवलमा पठाएको छ ।
प्रहरीले युपी ४० टी ५११९, युपी ४० टी ५५६०, युपी ४० एटी २७६७, युपी ५३ ईटी ०१६६, युपी ३२ एम एन २५४५, युपी ५३ सिटि ६१६७, युपी ५३ डीटी ५११८, युपी ३२ डी एन ६२१३, युपी ४१ एटी ८१५५, एम एच १५ जी भी २४५२, युपी ५३ इटी ८३६३, युपी ४७ टी ४३७१, युपी ३० बिटी २४७८ र यु पी ४० टी ६६७३ नम्वरका गाडी र चालकलाई नियन्त्रणमा लिएको हो ।
