बुटवल, १७ असार । रोटरी क्लव अफ बुटवलले एक कार्यक्रमका बीच इलाका प्रहरी कार्यालय बुटवलका प्रमुख मदन कुँवरलाई बुधबार स्वागत गरेको छ । क्लवका अध्यक्ष सुनिल श्रेष्ठको अध्यक्षतामा भएको कार्यक्रममा नवआगन्तुक इलाका प्रहरी कार्यालयका प्रमुख प्रहरी नायब उपरीक्षक कुँवरलाई स्वागत तथा सम्मान गरेको हो ।
त्यस अवसरमा क्लवका तर्फबाट अध्यक्ष श्रेष्ठले कोभिड १९ बाट सुरक्षित रहनका लागि इलाका प्रहरी कार्यालयलाई स्वास्थ्य सामग्री प्रदान गर्नुभएको थियो । त्यस अवसरमा प्रहरी नायब उपरीक्षक कुँवरले यस क्षेत्रको शान्ति सुरक्षा कायम गर्न रोटरी क्लव अफ बुटवलसँग सहकार्य गरी अघि बढ्ने बताउनुभयो ।
कार्यक्रममा क्लवका सचिव रोम शर्मा, कोषाध्यक्ष खिमनारायण पराजुली, रोटरियन दया भण्डारीलगायतले आ आफ्नो धारणा राख्नुभएको थियो ।
