सर्वोच्चद्वारा जनमोर्चा सांसद कृष्ण थापाको पद खारेज

काठमाडौ, ३१ जेठ । गण्डकी प्रदेशका राष्ट्रिय जनमोर्चाका कृष्ण थापाको सांसद पद सर्वाेच्च अदालतले खारेज गरिदिएको छ । सर्वाेच्चका न्यायाधीशद्वय कुमार रेग्मी र विश्वम्भरप्रसाद श्रेष्ठको संयुक्त इजलासले थापाको सांसद पद खारेज गरिदिएको हो । सर्वाेच्चले यसअघि उनको पद कायम रहने गरी दिएको आदेश रद्द गरिदिएको छ । थापालाई पुनर्वहाली गर्ने सर्वाेच्च अदालतको अन्तरिम आदेश खारेजीको माग गर्दै गण्डकी प्रदेशका सभामुख नेत्रनाथ अधिकारीले भ्याकेटको निवेदन दर्ता गर्नुभएको थियो ।