दाङमा पार्किङ गरेर राखिएका सवारी साधन तोडफोड

दाङ, २९ जेठ । दाङको लमहीमा पार्किङ गरेर राखिएका सवारी साधन तोडफोड गरिएको छ । दाङ प्रहरीका अनुसार गयराती अज्ञात समूहले ती सवारी साधनमा तोडफोड गरेको हो ।
लमहीको बिभिन्न स्थानमा पार्किङ गरेर राखेका ती सवारी साधन इट्टा र ढुंगा प्रहार गरी तोडफोड गरिएको प्रहरीले जनाएको छ । इलाका प्रहरी कार्यालय लमहीका प्रहरी निरीक्षक राजन पौडेलका अनुसार उक्त समूहले रातको समयमा मिनी ट्रक, जिप र बस तोडफोड गरेको हो । प्रहरीका अनुसार लमही स्थित हाम्रो राम्रो डेकोरेशनको रा १ ख १७५९ नम्बरको मिनी ट्रक, दिलिप जीसीको लु १ ख ९१४९ नम्बरको बस, इन्द्रमणि खनालको भे १ च २८१२ नम्बरको बोलेरो जिप तोडफोड भएको छ ।
प्रहरीले रातको समयमा सवारी सािधन तोडफोडमा संलग्नको खोजी भइरहेको जनाएको छ ।