दाउन्नेको खुर्सानी खोलामा बस दुर्घटना ४ जनाको निधन

रामकुमार श्रेष्ठ
नवलपरासी, ५ जेठ । पुर्व पश्चिम राजमार्ग अन्तरगत नवलपरासीको बर्दघाट दाउन्ने सडकखण्डमा बस दुर्घटना हुँदा ४ जनाको ज्यान गएको छ । पश्चिम नवलपरासीका प्रमुख जिल्ला अधिकारी धर्मेन्द्र मिश्रका अनुसार दुर्घटनामा ४ जनाको निधन भएकामा एक जना बसमै च्यापिएको अवस्थामा पाइएको थियो । काठमाडौंबाट रुकुमको लागि छुटेको ना ५ ख २७१३ नम्बरको बस बर्दघाट नगरपालिकामा पर्ने दाउन्नेको खुर्सानी खोलामा दुर्घटनामा परेको हो । प्रमुख जिल्ला अधिकारी मिश्रका अनुसार दुर्घटनामा परि घाईते भएकाहरुलाई जिल्ला प्रहरी कार्यालय पश्चिम नवलपरासीका प्रहरी उपरीक्षक अजय केसी र ईलाका प्रहरी कार्यालय बर्दघाटको टोलीले उद्दार गरेको थियो ।
घटनास्थलबाट उद्दार गरिएका घाईतेलाई चिसापानी अस्पतालमा पठाईएको र ४ जना मृत अवस्थामा फेला परेको घटना स्थलमा उद्दारका लागि खटिएका ईलाका प्रहरी कार्यालय बर्दघाटका प्रहरी निरीक्षक कपिल वाग्लेले जानकारी दिनुभयो ।