काठमाण्डौ, ३१ चैत । शुक्रबार प्रधानमन्त्रीमा पुन: नियुक्त हुनुभएका केपी शर्मा ओलीले पद तथा गोपनियताको सपथ लिनु भएको छ । राष्ट्रपतिको कार्यालय शितलनिवासमा आयोजित कार्यक्रममा राष्ट्रपति विद्यादेवी भण्डारीले प्रधानमन्त्री ओलीलाई पद तथा गोपनियताको सपथ गराउनु भएको हो ।
संविधानको धारा ७६ (३) अनुसार बिहिबार राती राष्ट्रपति भण्डारीले एमाले अध्यक्ष ओलीलाई प्रधानमन्त्रीमा नियुक्त गर्नुभएको थियो । राष्ट्रिपतिबाट सपथ लिनुभएका प्रधानमन्त्री ओलीले आजै (शुक्रबार) सिंहदरमा आएर पदभार ग्रहण गर्नुहुनेछ ।
प्रतिनीधि सभा (संसद)मा विश्वासको मत गुमाउनुभएका ओलीलाई ठूलो दलको हैसियतमा राष्ट्रपति भण्डारीले पुनः प्रधानमन्त्री नियुक्त गर्नुभएको हो । संसदमा प्रधानमन्त्रीले राखेको विस्वासको प्रस्तावको विपक्षमा मत जाहेर गरेका एमाले ईतरका दलहरु नेपाली काँग्रेस, माओवादी केन्द्र र जनता समाजवादी पार्टीले बहुमत पु¥याउन नसकेपछि राष्ट्रपतिले ठूलो दलको हैसियतमा ओलीलाई नै पुनः प्रधानमन्त्री नियुक्त गर्नुभएको हो ।
प्रधानमन्त्री ओलीले विश्वासको मत लिनको लागि विशेष अधिवेशन बोलाएपनि संसदमा ९३ मत मात्रै प्राप्त गर्नुभएको थियो । प्रतिनिधी सभामा सबैभन्दा ठूलो दल एमालेका १२१ सांसद रहेपनि असन्तुष्ट माधवकुमार नेपाल, झलनाथ खनाल पक्षका सांसदहरुले बिशेष अधिवेशनमा भाग नै लिएनन् भने नयाँ सरकार गठनमा मतभेद रहेको जनता समाजवादी पार्टीका महन्थ ठाकुर र राजेन्द्र महतो पक्षका सांसदहरु तठस्थ बसेका थिए ।