बुटवल, ३१ चैत । रुपन्देहीको बुटवल उपमहानगरपालिका ११ चौपारी टोल विकास संस्थाले टोलवासीको स्वास्थ उपचारका लागि स्वास्थ्य संस्थासंग सम्झौता गरेको छ ।
अति विपन्नलाई निशुल्क र शुल्क तिर्न सक्नेलाई भारी छुटमा स्वास्थ्य परिक्षणको लागि सम्झौता गरिएको टोल विका संस्थाका संस्थापक अर्जुन कुंवरले जानकारी दिनुभयो । बुटवलको जिनोमिक डायग्नोस्टिक ल्याब्रोटरी प्रालिसग स्वास्थ्य परिक्षणको लागि सम्झौता भएको हो । उक्त सम्झौता मंगलवार एक समारोहका विच गरिएको हो ।
सो अवसरमा नया वर्षको शुभकामना आदान प्रदान तथा भित्तेपात्रो विमोचन गरिएको थियोे ।
कार्यक्रममा लुम्विनी वाणिज्य क्याम्पसका प्रमुख तारा प्रसाद उपाध्यायले टोल विकास संस्थाले गरेको काम निकै रचनात्मक भएको बताउनुभयो । उहांले टोलवासीको स्वास्थ्यलाई ध्यान दिएर गरिएको कार्य अरुको लागि पनि अनुकरणीय भएको बताउनु भयो ।
संस्थाका अध्यक्ष राजु गुरुङको अध्यक्षतामा भएको कार्यक्रममा संस्थापक अर्जुन कुवर, जिनोमिक डायग्नोस्टिक ल्याबोरेटोरी प्रालिका प्रवन्ध निर्देशक रमेश पाण्डे, संस्थाका उपाध्यक्ष गणेश सापकोटा, सचिव नारायण रायमाझी लगायतले मन्तव्य व्यक्त गर्नुभएको थियो ।
