अध्यक्षमा पोख्रेल र उपाध्यक्षमा ढकाल निर्वाचित
बुटवल, २६ चैत । नेपाल पत्रकार महासंघ रुपन्देही शाखामा संयुक्त लोकतान्त्रिक प्रगतिशिल प्यानलका साझा उम्मेदवार रामराज पोख्रेल नेतृत्वको समूह विजयी भएको छ । पोख्रेल नेतृत्वको समूहले प्रेस चौतारी नेपाल समूहका दिनेश पाण्डे नेतृत्वको समूहलाई पराजित गरेको हो ।
महासंघको रुपन्देही अध्यक्षमा संयुक्त लोकतान्त्रिक प्रगतिशिल समूहका पोखरेल १६३ मत ल्याएर निर्वाचित बन्नुभएको छ । अध्यक्ष पदका अर्का प्रत्याशी पाण्डेले १२० मत प्राप्त गर्नुभएको छ ।
त्यस्तै खुला उपाध्यक्षतर्फ पनि संयुक्त लोकतान्त्रिक प्रगतिशिल समूहकै विश्वास ढकाल १९४ मत प्राप्त गरी विजयी बन्नुभएको छ भने अर्का प्रत्यासी हेम बहादुर पछाई ‘दिपेश’ ले १०० मत प्राप्त गर्नुभएको छ । महिला उपाध्यक्षमा पाण्डे समूहकी अमृता अनमोल विजयी बन्नुभएको छ । अनमोलले १४९ मत प्राप्त गर्नुभएको छ भने संयुक्त लोकतान्त्रिक प्रगतिशिल समूहकी प्रत्यासी सञ्जु पौडेलले १४८ मत प्राप्त गर्नुभएको छ । यो परिणाम प्रति असन्तुष्टि जनाउदै र पुन मतगणनाको माग राखेर उम्मेदवार पौडेलले निर्वाचन समितिमा निवेदन दिनुभएको छ ।
त्यसैगरी पदमा पनि संयुक्त लोकतान्त्रिक समूहका का सञ्जय सौगात विजयी बन्नु भएको छ । सौगातले १५२ मत प्राप्त गर्नुभएको छ भने कोषाध्यक्षका अर्का प्रत्यासी स्वस्तिक श्रेष्ठले १४६ मत प्राप्त गर्नुभएको छ । यस्तै सचिव पदमा संयुक्त लोकतान्त्रिक समूहका विनोद परियार १८५ मत प्राप्त गरी विजयी बन्नुभएको छ भने अर्का प्रत्यासी लक्ष्मण पोखरेलले ११० मत प्राप्त गर्नुभएको छ ।
सहसचिवमा पनि संयुक्त लोकतान्त्रिक समूहका विरेन्द्र कुँवर १६७ मत प्राप्त गरी विजयी बन्नुभएको छ भने प्रतिस्पर्धी केशव भण्डारीले १२२ मत प्राप्त गर्नुभएको छ । समावेशी महिला सह–सचिवमा पनि संयुक्त लोकतान्त्रिक समूहकै माया केसी विजयी हुनुभएको छ । केसीले १८५ मत प्राप्त गर्दा अर्का प्रत्यासी गोबिन्द घर्तीले १०८ मत प्राप्त गर्नुभएको छ ।
यस्तै खुल्ला सदस्यमा पनि संयुक्त लोकतान्त्रिक समूहका प्रदिप आचार्य, कविराज अधिकारी, थानेश्वर घिमिरे, मोतिराम न्यौपाने, प्रकाश पाण्डे, पुनहरि बेल्वासे विजयी बन्नुभएको छ भने महिला सदस्यमा संयुक्त लोकतान्त्रिक समूहका हरिकला अधिकारी र जनजाति सदस्यमा राज चौधरी विजयी बन्नुभएको छ भने खुल्ला सदस्यमा प्रगतिशिल साझा समूहका प्रकाश आचार्य मात्र निर्वाचित हुनुभएको छ ।
संयुक्त लोकतान्त्रिक प्रगतिशिल समूहमा नेपाल प्रेस युनियन, प्रेस संगठन, प्रेस चौतारी नेपाल(माधव नेपाल समूह), प्रगतिशिल पत्रकार संघ र क्रान्तिकारी पत्रकार महासंघको सहकार्य रहेको थियो ।
