काँग्रेस नेता नविन्द्रराज जोशीको निधन

काठमाडौं, १३ चैत । नेपाली काँंग्रेसका केन्द्रीय सदस्य नविन्द्रराज जोशीको निधन भएको छ । मस्तिष्कघात भई काठमाडौंको नर्भिक अस्पतालमा उपचार गराइरहनुभएका जोशीको शुक्रबार राति ८ः२४ बजे मृत्यु भएको नर्भिक अस्पतालले जनाएको छ ।
फागुन १४ गते घरमै स्वास्थ्य समस्या देखिएपछि पूर्व सांसद समेत रहनुभएका जोशीलाई उपचारका लागि वीर अस्पताल लगिएको थियो । वीर अस्पतालले उहांलाई नर्भिक अस्पतालमा रेफर गरेको थियो ।
जोशीलाई मस्तिष्कघातको समस्या देखिएपछि अस्पतालले सुरुदेखि नै भेन्टिलेटरको सहायतामा उपचार गरिरहेको नर्भिक अस्पतालका जनसम्पर्क अधिकृत सोमनाथ बास्तोलाले जानकारी दिनुभयो ।