दुई लाख बढी रकम सहित ८ जना जुवाडे पक्राउ

रामकुमार श्रेष्ठ
नवलपरासी, ९ चैत्र । पूर्वी नवलपरासीको गैडाकोट नगरपालिका ९ मौलाकालिका गेट नजिकै रहेको होटेल ग्रिन फरेष्टबाट जुवा खेलिरहेको अवस्थामा नवलपुर प्रहरीले ८ जनालाई सोमबार नियन्त्रणमा लिएको छ ।
जिल्ला प्रहरी कार्यालय नवलपुरका अनुसार २ लाख २५ हजार नेपाली रुपैयाँ र १ हजार ६ सय १० रुपैयाँ भारतीय नोट सहित ८ जनालाई नियन्त्रणमा लिएको हो ।
प्रहरीले जुवाको खालबाट गैडाकोट १ का नवराज क्षेत्री, धनिराम गौतम, रमेश प्रजापति, चितवन भरतपुर ९ का अशोक कुमार विक, नारायण थापा, मनोज कुमार शाह, रोशन खड्का र पदम लामालाई नियन्त्रणमा लिएको हो ।