बुटवल, २२ फागुन । चिदिका–रुपन्देही सम्पर्क समाज बुटवलको अध्यक्षमा केशवराज पन्थी चयन हुनुभएको छ । समाजको सातौंं साधारण सभा तथा चौथो अधिवेशनले पन्थीको नेतृत्वमा नयाँ कार्यसमिति चयन गरेको हो ।
समाजको उपाध्यक्षमा गीता ज्ञवाली, सचिवमा जिवनाथ अर्याल, कोषाध्यक्षमा कमल अर्याल र सहसचिवमा हेमनाथ ज्ञवाली चयन हुनुभएको छ । समाजको सदस्यहरुमा टेकबहादुर टण्डन, गणेश पौडेल, यमलाल पौडेल, रामप्रसाद पन्थी, बाबुराम अर्याल, नजरदिन मिया, टामलाल ज्ञवाली र बलराम पन्थी रहनुभएको छ ।
नवनिर्वाचित अध्यक्ष पन्थीले अघिल्लो कार्यसमितिले अगाडि सारेका राम्रा कामलाई निरन्तरता दिंदै थप सामाजिक र रचनात्मक काममा समाजलाई अग्रसर बनाउने प्रतिवद्धता व्यक्त गर्नुभयो ।
यसअघि अधिवेशनको उद्घाटन गर्दै संविधानसभा सदस्य नेत्रप्रसाद पन्थीले आफू पनि छत्रदेव र चिदिकाबासी भएकाले त्यस क्षेत्रको विकासमा लागिरहने प्रतिवद्धता व्यक्त गर्नुभयो । उहांले समाजले अगाडी सारेका कामलाई सबै सदस्यहरुले सामूहिक रुपमा सहयोग गर्नुपर्नेमा जोड दिंदै समाजको संस्थागत विकासका लागि पहल गर्न पनि आग्रह गर्नुभयो ।
समाजका अध्यक्ष इश्वरी ज्ञवालीले कोभिड–१९ को विषम परिस्थितिका कारण आफ्नो कार्यकालमा सोंचेअनुरुप कार्यक्रम अगाडि बढाउन नसकिएको भन्दै समाजका योजना र कार्यक्रमलाई निरन्तरता दिन आगामी नेतृत्वलाई सुझाव दिनुभयो । त्यस अवसरमा समाजका निवर्तमान अध्यक्ष पुरुषोत्तम अर्याल, छत्रदेव गाउँपालिका वडा नम्बर १ का वडाअध्यक्ष प्रकाशराज पन्थी, समाजका सल्लाहकार अर्जुन ज्ञवाली, उपाध्यक्ष गिता ज्ञवाली लगायतले मन्तव्य व्यक्त गर्नुभएको थियो । कार्यक्रममा संस्थाका अध्यक्ष ज्ञवालीले वार्षिक प्रतिवेदन र कोषाध्यक्ष जिवनाथ अर्यालले आर्थिक प्रतिवेदन प्रस्तुत गर्नुभएको थियो ।
कार्यक्रममा समाजका गतिविधिलाई सञ्चारको क्षेत्रबाट आम जनमानसमा पु¥याउन सहयोग पु¥याएको भन्दै चिदिकाबासी पत्रकार लक्ष्मण पौडेललाई दोसल्ला ओढाएर सम्मान गरिएको थियो ।
