फागुन १६, तिलोत्तमा । रुपन्देहीको तिलोत्तमा नगरपालिकामा आजदेखि सर्बोत्तम सिमेन्ट सुनिल ढुङ्गाना स्मृति कप टि १० नकआउट क्रिकेट प्रतियोगिता शुरु भएको छ ।
प्रतियोगिताको उद्घाटन खेलमा तिलोत्तमा क्रिकेट एकेडेमी मणिग्राम बिजयी भएको छ । तिलोत्तमाले सन्जिवनी शिक्षा सदनलाइ ७ विकेटले पराजित गर्दै विजयी शुरूवात गरेको हो । सन्जिवनीले दिएको ८५ रनको लक्ष तिलोत्तमाले ३ विकेटको क्षतिमा पूरा गरेको थियो । जितकालागि तिलोत्तमाका कृष्ण कार्किले सर्वाधिक ४३ रनको योगदान गरे । कार्की प्रतियोगिताको म्यानअफ द म्याच समेत बनेका छन् ।
प्रतियोगिताको दोस्रो खेलमा परासी पल्टन अनुपस्थित भएपछि लुम्बिनी नव युवा क्लब वाकओभरमा बिजयी भएको आयोजक तिलोत्तमा क्रिकेट बिकास समितिका अध्यक्ष दिपक शर्मा भुर्तेलले जानकारी दिनुभयो । यो संगै सन्जिवनी शिक्षा सदन र नवलपरासी पल्टन प्रतियोगिता बाट बाहिरिएका छन् ।
प्रतियोगिता अन्तरगत सोमबारको पहिलो खेल बुटवल युथ क्लव र आर.आर. चिलिया बिच हुनेछ भने दोस्रो खेल तिलोत्तमा वडानम्बर १ र सैनामैना क्रिकेट क्लव विच हुने आयोजकले जानकारी दिएको छ ।
तिलोत्तमा क्रिकेट बिकास समितिका अध्यक्ष दिपकशर्मा भुर्तेलको अध्यक्षता रुपन्देही क्रिकेट संघका अध्यक्ष प्रशान्त बिक्रम मल्लको प्रमुख आतिथ्यता र तिलोत्तमा क्रिकेट बिकास समितिका सह सचिव मिलन भण्डारीको संचालनमा कार्यक्रम भएको थियो ।
प्रतियोगितामा बिभिन्न ८ टिमको सहभागिता रहेको खेल संयोजक कमल श्रेष्ठले जानकारी दिनुभयो । प्रतियोगितामा विजेता टिमले एकलाख नगद पुरस्कार सहित कप, मेडल र प्रमाणपत्र पाप्त गर्ने छ भने उपविजेताले ५० हजार नगद पुरस्कार प्राप्त गर्ने छ । यसैगरी विधागत तप
र्m म्यानअफदि सिरिजले १० हजार, बेस्ट ब्याट्सम्यान, बेष्ट बलर तथा उदीयमान खेलाडीले नगद ५÷५ हजार पुरस्कार प्राप्त गर्ने छन् भने हरेक खेलका म्यानअफ दि म्याचले हजार रुपैयाँ पुरस्कार प्राप्त गर्ने छन् ।
स्वर्गीय ढुङ्गानाको नाममा स्थापना हुने अक्षकोषको रकमबाट तिलोत्तमा नगर भित्रका विद्यालय स्तरका दुई जना छात्र र एक छात्रा खेलाडीलाई छात्रवृत्ति प्रदान गरिने छ ।
