संसदीय ब्यवस्थाको अन्त्यका लागि क्रान्तिको विकल्प छैन : रणनैंतिक संयुक्त मोर्चा

बुटवल, ६ फागुन । रणनैंतिक संयुक्त मोर्चाका नेताहरुले संसदीय व्यवस्थाका विरुद्ध क्रान्तिको झण्डा उठाउंने बताएका छन् ।
रणनैतिक संयुक्त मोर्चाले आज रुपन्देहीको बुटवलमा आयोजना गरेको जनसभालाई सम्बोधन गदैं मोर्चाका नेताहरुले संसदीय ब्यवस्था जनताको व्यवस्था नभएर दलालहरुको ब्यवस्था भएकाले यसको अन्त्यका लागि क्रान्तिको विकल्प नभएको उनीहरुको भनाई छ ।
बुटवल ट्राफिकचोकमा आयोजित जनसभालाई सम्वोधन गर्दै नेकपा क्रान्तिकारी माओवादीका स्थायी समिति सदस्य रामसिंह श्रीसले संसदीय व्यवस्था अन्त्य गरी संघीय जनगणतन्त्र र वैज्ञानिक समाजवादी व्यवस्था स्थापनाका लागि कडा संघर्षको आवश्यक्ता औल्याउनु भयो । कम्युनिष्टको नाममा मुलुकमा दलाल संसदीय व्यवस्था हावी रहेको भन्दैं नेता श्रीसले यसको अन्त्यका लागि क्रान्तिकारी कम्युनिष्टहरु एकीकृत र धु्रबीकृत हुंनुपर्नेमा जोड दिनुभयो ।
मोर्चाका सदस्य समेत रहनुभएका नेता श्रीसले विप्लवमाथिको प्रतिवन्ध हटाउंनुपर्ने बताउंदैं विप्लवका राजनैतिक समस्या राजनैतिक रुपमा समाधान गर्न आग्रह गर्नुभयो ।
नेकपाका संयोजक ऋषिराम कट्टेलले सरकारले विप्लवमाथि लगाएको प्रतिवन्ध जनताले खारेज गरेको बताउंनुभयो । संसदीय व्यवस्था रहेसम्म मुलुकले निकास नपाउंने बताउंदैं उहांले ओली–प्रचण्ड कम्युनिष्टको नाममा ठग भएको टिप्पणी गर्नुभयो ।
वैज्ञानिक समाजवादी कम्युनिष्ट पार्टीका संयोजक विश्वभक्त दुलाल आहुतिले मुलुकमा व्यक्तिमा नभएर दलाल पूजिवादी संसदीय व्यवस्थामा संकट उत्पन्न भएको बताउंनुभयो । रणनैतिक संयुक्त मोर्चाका सदस्य भेषराज भुसालले जनताले क्रान्ति र विकल्प खोजेको भन्दैं ओली र प्रचण्डबाट त्यो संभव नभएको उल्लेख गर्नुभयो ।
अखिल नेपाल आदिवासी जनजाति महासंघका अध्यक्ष डा.ओम गुरुङले कम्युनिष्टको नाममा ओली र प्रचण्डले जनतालाई भ्रममा पारेको भन्दैं संसदीय व्यवस्थाका विरुद्ध उत्पीडित जाति–समुदाय क्रान्तिमा गोलवन्द हुंन आग्रह गर्नुभयो ।
कार्यक्रममा राष्ट्रिय जागरण मञ्चका संयोजक गुणराज लोहनी, वामपन्थी नेता शसिधर भण्डारी, माक्र्सवादी विचार मञ्चका सचिव बिनबहादुर कुंवर, नागरिक समाजका पदमबहादुर कार्की लगायतले बोल्दैं संसदीय व्यवस्थाको विकल्प खोज्नुपर्नेमा जोड दिनुभयो ।
कार्यक्रम नेकपा क्रान्तिकारी माओवादी लुम्बिनी प्रदेश समितिका सचिव भुपेन्द्र न्यौपानेको अध्यक्षता, वैज्ञानिक समाजवादी कम्युनिष्ट पार्टीका केन्द्रीय सदस्य राजकुमार राङवाङको सञ्चालन तथा नेकपाका सहसंयोजक अम्बिका थैबको स्वागतमा भएको थियो । कार्यक्रम पूर्व बुटवलको राजमार्गचौराहबाट शुरु भएको र्याली बुटवल बजार परिक्रमा गरि ट्राफिकचोकमा पुगेर जनसभामा परिणत भएको थियो ।