मकवानपुरमा प्रहरी र गाँजा तस्करबीच गोली हानाहान

मकवानपुर, ५ साउन । मकवानपुरमा प्रहरी र गाँजा तस्करबीच गोली हानाहान भएको छ । मनहरी गाउँपालिका–९ रजैयास्थित राप्तीखोला बगरमा प्रहरी र गाँजा तस्करबीच गोली हानाहान भएको हो । शनिबार राति गाँजा बोकेको ५÷६ जनाको समूह र प्रहरीबीच गोली हानाहान भएको स्रोतले जनाएको छ । जिल्ला प्रहरी कार्यालय मकवानपुर टोलीलाई देखेपछि गाँजा तस्करको समूहले फायरिङ सुरु गरेको बताइएको छ । त्यसपछि प्रहरीले पनि जवाफी फायरिङ गरेको थियो । तर दुवैतर्फ मानवीय क्षति नभएको जिल्ला प्रहरी कार्यालय मकवानपुरले जनाएको छ । गोली हानाहापछि प्रहरीले मनहरी गाउँपालिका–९ रजैया राप्ती खोलाबाट राक्सिराङ गाउँपालिका–१ ढुङ्गेन बस्ने ४३ वर्षीय कुमार स्याङतानलाई पक्राउ गरेको छ । उनको साथबाट कटुवा पेस्तोल एक नाल, पेस्तोलमा लाग्ने गोलीको खोका १ राउण्ड, जंगी गोली ५ राउण्ड र करिब ३५ केजी गाँजा पनि प्रहरीले बरामद गरेको छ । विशेष सूचनाको आधारमा खटिएको प्रहरीलाई गाँजा लैजाँदै गरेको ५÷६ जनाको समूहमध्ये स्याङतानले कटुवा पेस्तोलबाट १ राउण्ड फायर गरेकोले प्रहरीले समेत जवाफी फायर गरी स्याङतानलाई पक्राउ गरएिको जनाको छ । अन्य फरार व्यक्तिहरुको खोजी भइरहेको जनाइएको छ । घटनास्थलबाट अन्य चारजना फरार भएका छन् । पक्राउ परेका स्याङ्तान प्रहरीको खोजी सूचीका गाँजा तस्कर नै भएको प्रहरीलाई उद्धृत गर्दै थाहा खबरमा अमृत चिमरियाले समाचार लेख्नुभएको