कपिलवस्तु, ११ कात्तिक । जिल्ला प्रहरी कार्यालय कपिलवस्तुले लागु औषध सहित एक जनालाई पक्राउ गरेको छ ।
जिल्लाको कृष्णनगर नगरपालिका वडा नं. २ लिङ्गेट स्थित चेकिङमा खटिएको प्रहरी टोलीले आज सांझ साढे ४ बजे भारत बाट नेपाल तर्फ आउदै गरेका जिल्ला दाङ घोराही उप–महानगरपालिका वडा नं. १६ बसपार्क वस्ने बर्ष १८ को मनोज चौधरीलाई लागु औषध सहित पक्राउ गरेको हो । प्रहरीले निजको साथबाट नाईट्रोभेट १४ पत्तामा २१० ट्याबलेट, ट्रारामोल २ पत्तामा २० ट्याबलेट, प्रोमेथाजिन हाईड्रोक्लोराईड ईन्जेक्सन ५ पिस, ट्रामाडेक्स ईन्जेक्शन ५ पिस र लोराजेपाम ईन्जेक्सन ५ पिस लागु औषध बरामद गरेको छ ।
लागु औषध सहित पक्राउ परेका चौधरीलाई आवश्यक कार्वाहीका लागि ईलाका प्रहरी कार्यालय कृष्णनगरमा राखी थप अनुसन्धान कार्य भइरहेको जिल्ला प्रहरी कार्यालय कपिलवस्तुका प्रहरी नायव उपरिक्षक धर्मराज भण्डारीले जानकारी गराउनु भयो ।
