बुटवल, ९ कार्तिक
६८ औ स्थापना दिवसको पुर्वसन्ध्यामा नेपाल तरुण दल क्षेत्र न २ क्षेत्रिय समिति रुपन्देहीले मानव सेवा आश्रम बुटवललाई खाद्यान्न सहयोग प्रदान गरेको छ । आईतबार एक कार्यक्रमका बिच नेपाली काँग्रेस लुम्बिनी प्रदेशका सभासद फखरुद्धिन खानले आश्रमका प्रदेश संयोजक रुपा केसीलाई करीब २५ हजार रुपैया बराबरको खाद्यान्न हस्तान्तरण गर्नु भएको हो ।
कार्यक्रममा बोल्दै सभासद खानले तरुण दलमा युवाहरु एकतावद्ध भै नेतृत्व र रचनात्मक काममा अग्रसर हुन सुझाव दिनु भयो । प्रदेश सरकारको बालहटका कारण धेरै ठूलो दुर्घटना घटेको र यसको जिम्मा सरकारले लिनुपर्ने उहाँको दाबी रहेको छ । कोभिड १९ को संक्रमणको जोखिमको बेला वर्तमान समयमा स्वस्थ्य उपचार सबैभन्दा जटिल समस्याका रुपमा देखिएको भन्दै उहाँले सर्वोच्चको निशुल्क सेवन दिनुपर्ने आदेश सरकारले कार्यान्वन गर्नुपर्ने बताउनु भयो ।
कार्यक्रममा जिल्ला उपसभापति फणिन्द्र शर्माले मानवसेवा सबैभन्दा ठूलो धर्म भएको बताउनु भयो ।
नेपाली काँग्रेसको भातृ संगठनका रुपमा रहेको तरण दलकै कारण सबल र बलियो बनेको उहाँको दाबी छ । बेरोजगार युवाहरुलाई उद्यमशिल बनाउने र देशको अर्थतन्त्र उकास्नेतर्फ सरकारलाई दबाब दिने गरि कार्यक्रम गर्नेतर्फ तरुणको अग्रसरता जरुरी रहेको उहाँले बताउनु भयो । हरेक तरुण राजनीति, ब्यावसाय र सामाजिक कामलाई अनुसरण गर्दै अघि बढ्नुपर्ने उहाँको सुझाव रहेको छ । क्षेत्र नं २ का सभापति हसन्त लामाले युवाहरुलाई एकतावद्घ गर्दै नेतृत्व विकास र सामाजिक काममा अग्रसर रहेको बताउनु भयो ।
हरेक वर्ष कार्तिक १० गते स्थापना दिवसमा आफुहरुले सामाजिक कार्यमा थोरै भएपनि योगदान दिदै आएको उहाँले बताउनु भयो ।
कार्यक्रममा नेपाली काग्रेस महासमिति सदस्य दीर्घ बहादुर केसी, नगर सभापति खेलराज पाण्डे, चिरन्जिवी जोशी, नेविसंघ केन्द्रीय उपाध्यक्ष मुक्तिराज पौडेल, जिल्ला अध्यक्ष सोम गुरुङ, जिल्ला कोषाध्यक्ष बासु बश्याल, तरुण दल बुनपा सभापति सुजन पुनले राजधानी सार्ने विषयमा गरिएको आन्दोलनको क्रममा राजनीतिक मुद्दालाई ब्यक्तिगत रुपमा लगाउने काम भएको भन्दै यसतर्फ पार्टीपंक्तिको ध्यानाकर्षण हुनुपर्ने बताउनु भयो ।
