करेन्ट लागेर र लडेर रुपन्देहीमा २ जनाको मृत्यु

बुटवल २७ असोज
रुपन्देही सियारी गाउपालिका १ नागथान बस्ने वर्ष ४० को कृष्ण बहादुर केसीको करेन्ट लागेर मृत्यु भएको प्रहरीले जनाएको छ ।
नहरबाट मोटर लगाई पानी तानी आफ्नै बारीमा लगाउने क्रममा केसीलाई अचानक करेन्टलागी मृत्यु भएको जिल्ला प्रहरी कार्यालय रुपन्देहीले जनाएको छ ।
त्यस्तै बुटवल उपमहानगरपालिका ३ गोलपार्क स्थित सिद्धार्थ राजमार्गको नालिमा नामथर बतन नखुलेको मागि खाई हिड्ने अन्दाजी वर्ष ३५ को पहाडि मुलको पुरुष मृत अवस्थामा फेला परेको प्रहरीले जनाएको छ । घटनास्थलमा प्रारम्भिक अनुसन्धान गरी लास पोष्टमार्टमका लागि लुम्बिनी प्रादेशिक अस्पताल पठाईएको प्रहरीले जनाएको छ ।
त्यस्तै विभिन्न समय र स्थानबाट भन्सार छली,चोरी,पैठारी र निकारी गरी ओसारपोसार गर्दै गरेका विभिन्न कम्पनीका मोवाइल, मटर र त्रिपाल गरी जम्मा १लाख ४४हजार २५० मुल्य बराबरको सामान बरामद गरी भैरहवा भन्सार कार्यालय पठाईएको जिल्ला प्रहरी कार्यालय रुपन्देहीका सूचना अधिकारी तथा प्रवक्ता प्रहरी नायव उपरिक्षक खड्क बहादुर खत्रीले बताउनु भयो ।