गुरुयोजनाको टुंगो नलाग्दासम्म प्रदेश राजधानीमा नयाँ घर बनाउन समेत रोक्न मुख्यमन्त्रीको निर्देशन

बुटवल २२ असोज
लुम्बिनी प्रदेशका मुख्यमन्त्री शंकर पोखरेलले प्रदेश राजधानी राप्ती उपत्यकामा गुरुयोजनाको टुंगो नलाग्दाँसम्म नयाँ घर बनाउन राकिने बताउनु भयो । प्रदेशको राजधानी र नामाकरण टुगिएपछि मुख्यमन्त्री तथा मन्त्रिपरिषद कार्यालयका कर्मचारीलाई उहाँले अब गुरुयोजनाको टुंगो नलाग्दासम्म नयाँ घर पनि बनाउन रोक्न निर्देशन दिनु भयो ।
प्रदेश राजधानी राप्ती उपत्यकामा हुनसक्ने गैरकानुनी किनबेच तथा अतिक्रमण रोक्न कर्मचारीहरु चनाखो भएर लाग्न समेत मुख्यमन्त्री पोखरेलले निर्देशन दिनु भयो । सरकारले यस अघि दाङको राप्ती गाउँपालिका,गढवा गाउँपालिकाको वडा नम्बर १,२ र ३ तथा अर्घाखाँचीको शितगंगा नगरपालिकाको वडा नम्बर ८ र ९ मा जग्गाको किनबेच र कित्ताकाटमा रोक लगाइसकेको छ ।
कानुनी रुपमा जग्गाको किनबेच रोक लगाइसकेको भएपनि गैरकानुनी रुपमा किनबेच हुनसक्ने भएकाले त्यस्ता गलत कामलाई निस्तेज गर्न सरोकारवाला निकायलाई निर्देशन दिनु भयो ।
उहाँले राप्ती उपत्यकाको राप्ती गाउँपालिका, गढवा गाउँपालिका र शितगंगानगरपालिकाको मैदानी भागमा गुरुयोजना बनाएर प्रदेशको सुन्दर राजधानी बनाउने गरी अघि बढेको बताउनु भयो ।
राप्ती उपत्यका भन्नाले दाङको राप्ती गाउँपालिका,गढवा गाउँपालिकाको वडा नम्बर १,२ र ३ तथा अर्घाखाँचीको शितगंगा नगरपालिकाको वडा नम्बर ८ र ९ को राप्ती किनारको मैदानी भाग भएकाले कोही भ्रममा नपर्न उहाँले आग्रह गर्नु भयो । राजपत्रमा राप्ती उपत्यका भन्ने प्रष्ट रहेको उहाँले बताउनु भयो । गुरुयोजना बनेपछि पहिलो प्राथमिकता प्रशासनिक संरचनाको उपस्थिति रहने र अरु क्रमसः बनाइदै जाने बताउनु भयो । उहाँले नक्शाको डिजाइन,गुरुयोजना र ल्याण्डपुलिङ जस्ता काम क्रमसः अघि बढ्ने बताउनु भयो ।
अहिलेलाई हेरेर होइन्, ५० वर्षपछि पनि व्यवस्थित शहर रहने गरी प्लानिङ गर्छौ, योजनाका माध्यमबाट मान्छेको सोंच बदल्छौं—उहाँको कथन रहेका छ ।