बुटवल, १३ असोज । नेपाली काँग्रेसको भातृ संगठन नेपाल तरुण दलले वडा तह र टोल टोलमा संगठन विस्तार अभियानलाई तिब्र बनाएको छ ।
संगठन विस्तार अभियान अन्तर्गत बुटवल उपमहानगरपालिका वडा नं. ११ प्रगतिनगरमा नेपाल तरुण दलको ईकाई समिति गठन गरिएको छ । तरुण नेता साजन भारीको अध्यक्षतामा भएको कार्यक्रमा बोल्दै नेपाली काँग्रेसका वडा सभापति चित्र वहादुर वर्माले अन्यायका विरुद्ध सबै तरुणहरु जागरुक हुनुपर्ने बताउनु भयो । उहांले तरुणहरुले श्रृजनशिल काम गरेमा नेपाली काँग्रेसलाई समेत फाईदा पुग्ने बताउनु भयो ।
सो अवसरमा काँग्रेसका नेता जित वहादुर मल्लले विकृति र विसंगतीका विरुद्धमा तरुणहरु जाग्नु पर्ने वेला आएको बताउनु भयो । तरुण दलका नगर सभापति सुजन पुनले तरुणहरुलाई संगठित गर्ने र रचनात्मक कार्यमा लगाउने अभियानमा आफुहरु लागिरहेको बताउनु भयो । नेपाली काँंग्रेसका क्षेत्रिय सहसचिव नेत्र भट्टराईले युवाहरुको संरक्षणका लागि काँग्रेस सधै साथमा रहेको बताउनु भयो ।
कार्यक्रममा तरुण दलका जिल्ला सदस्य सुनिल शाही, वडा सचिव दुर्गा वहादुर खत्री, उपसभापति कृष्ण वहादुर जिसी लगायतले बोल्नु भएको थियो ।
भेलावाट गिरमान राजकोटीको अध्यक्षतामा २५ सदस्यीय प्रगतिनगर तरुण समिति गठन भएको छ । समितिको उपाध्यक्षमा आकाश थापा, सचिवमा अनित चौधरी, सहसचिवमा करिस्मा वस्याल, कोषाध्यक्षमा कृष्ण थापा रहनु भएको छ ।
