बुटवल, २४ भदौ । बीपी कोइराला युवा नेतृत्व विकास मञ्च रुपन्देहीले नेपाली काँग्रेसका संस्थापक तथा नेपालका प्रथम जननिर्वाचित प्रधानमन्त्री बीपी कोईरालाको १०७ आंै जन्म जयन्तीको अवसरमा बुटवलमा दिप प्रज्वलन गरेको छ ।
बुटवलको बीपी चोकमा १०७ वटा दिप प्रज्वलन गरेर मञ्चले महामानव बीपीको जन्मजयन्ती मनाएको हो ।
कार्यक्रममा प्रमुख अतिथि नेपाली काँग्रेसका बुटवल नगर सभापति खेलराज पाण्डेले २००७ सालमा बीपीकै नेतृत्वमा भएको आन्दोलनले नेपालमा प्रजातन्त्रको उदय भएको र बीपीको प्रजातान्त्रिक समाजबादको महत्व झन बढेर गएको बताउनु भयो ।
मञ्चका जिल्ला अध्यक्ष छायाँ पोख्रेलको सभापतित्वमा भएको कार्यक्रममा नेपाल बिद्यार्थी संघका केन्द्रिय उपाध्यक्ष मुक्तिराज पौडेल, महासमिति सदस्य दिर्घ बहादुर के सी, नेपाल तरुण दल बुटवलका अध्यक्ष सुजन पुन लगायतले बोल्दै प्रजातन्त्र प्राप्तिका लागि बीपीले पुर्याएको योगदान र देखाएको बाटोलाई सबै नेपालीले आत्मसाथ गरेर बीपीले देखाएको बाटोमा हिड्न सके मुलुकमा शान्ति, समृद्धि र विकासले गति लिने धारणा राख्नुभयो ।
प्रदिप घर्तीको संचालनमा भएको कार्यक्रममा युवा नेताहरु नेत्र भट्टराई, हसन्त लामा, प्रदिप गौतम, सुरज क्षेत्री, जयप्रकाश भट्टराइ लगायतले बीपीको बहुआयामिक ब्यक्तित्व र उहांको योगदानका विषयमा चर्चा गर्नुभएको थियो ।
