नेपालबाट भारततर्फ निकाशी भैरहवा, २१ साउन । भन्सार छली चोरी निकाशी गरी अवैधरुपमा नेपाल बाट भारत तर्फ मटर (केराउ) ओसार पसार गरेको अवस्थामा ५२ बोरा मटर(केराउ) रुपन्देही प्रहरीले वरामद गरेको छ ।
जिल्ला प्रहरी कार्यालय रुपन्देहीबाट खटिएको प्रहरी टोलीले जिल्ला रुपन्देही रोहिणी गाउँपालिका वडा ७ अमवामा बाट केराउ लोड गरेको लु ३ त ६००९ को टेक्टर, केराउ र टेक्टर चालक सहित अवैध कारोवारमा संलग्न दुई जनालाई सोमबार राति पौने १२ वजे नियन्त्रण लिएको हो ।
टेक्टर चालक जिल्ला रुपन्देही रोहिणी गाउँपालिका वार्ड नं.२ बस्ने बर्ष २४ को संदिप यादवले मटर (केराउ) आफ्नो नभएको र जिल्ला रुपन्देही रोहिणी गाउँपालिका वार्ड नं.७ बस्ने बर्ष ३९ को बलिराम यादव र रोहिणी गाउँपालिका वार्ड नं. २ बस्ने बर्ष १९ को झिन्न यादवको मिलोमतोमा ल्याएको भनि जानकारी गराएकाले केराउ, टेक्टर र तिनै जनालाई नियन्त्रणमा लिएको जिल्ला प्रहरी कार्यालय रुपन्ेहीले जनाएको छ ।
वरामद गरिएको ५२ बोरा केराउ र टेक्टर आवश्यक कारवाहीको लागि भैरहवा भन्सार कार्यालय बेलहिया पठाईएकोमा केराउको रु ८१ हजार र टेक्टरको रु ८ लाख ८१ हजार मूल्याङ्कन भएको प्रहरीले जनाएको छ ।
