बुटवल, १६ साउन । नेपालमा कोरोना संक्रमितको संख्या १९ हजार ७ सय ७१ पुगेको छ । स्वास्थ्य तथा जनसंख्या मन्त्रालयका अनुसार संक्रमितको कुल संख्या मध्ये ५ हजार बढी सक्रिय संक्रमितको उपचार भइरहेको छ । आज (शुक्रबार) मात्र २ सय २४ जना कोरोनाका नयाँ संक्रमित थपिएका छन् भने १ सय ५१ जना डिस्चार्ज भएका छन् ।
स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार पछिल्लो २४ घण्टामा १० हजार ७ सय ६८ जनाको पिसिआर परीक्षण गरिएको छ । हालसम्म १४ हजार ३ सय ९९ जना निको भएका छन् । नेपालमा हालसम्म ५६ जना संक्रमितले ज्यान गुमाईसकेका छन् भने दुई दिनयता सातजनाले ज्यान गुमाएका छन् । यस्तै साउन ७ गते लकडाउन हटाए यता १४ जना संक्रमितको ज्यान गएको छ ।