बुटवलको एक होटलमा बसेका ३ जना भारतीयमा कोरोना पोजेटिभ

बुटवल १२ साउन

बुटवलको एक होटलमा बसेका ३ जनाभारतीय नागरिमा कोरोनाको संक्रमण देखिएको छ । बुटवलको पुरानो बसपार्क स्थीत एक होटलमा ७ गते देखि बस्दै आएका उनीहरुको पिसिआर परिक्षणमा कोरोना पोजेटिभ देखिएको बुटवल उपमहानगरपालिकाले जनाएको छ ।
बुटवल उपमहानगरपालिकाका जनस्वास्थ्य अधिकृत कुन्दन कुमार सिंहका अनुसार बुटवलको अमरपथमा रहेको गण्डकी सिरक डसना भण्डारमा काम गर्ने उनीहरु भारतबाट आएर होटलमा बसेका थिए । उनीहरु तीनै जना भारतीय नागरिक हुन ।
पिसिआर परिक्षणमा कोरोना पोजेटिभ देखिएपछि उनीहरुलाई बुटवल धागोकारखाना रामनगरमा रहेको आईसोलेसन अस्पतालमा राखिएको सिंहले जानकारी दिनुभयो ।
अहिले पुरानो बसपार्कमा रहेको होटललाई शिल गरेर त्यहा कार्यरत ४ जना कामदारहरुलाई समेत क्वारेन्टाईनमा राख्ने तयारी भई रहेको सिहंले बताउनुभयो ।