बुटवल, १० साउन । युथ क्लव अफ बुटवल पिपलधाराले शनिबार बुटवलको अपाङ्ग आश्रममा खाद्य सामाग्री प्रदान गरेको छ । विभिन्न समाजिक क्रियाकलाप गर्ने उद्देश्यले स्थापना गरिएको यो संस्थाले आश्रममा भोजन समेत गराएको छ ।
सो अवसरमा बोल्दै प्रमुख अतिथि प्रदेश ५ शिक्षा तालिम केन्द्रका प्रमुख भोजबहादुर केसीले युवाहरुले गरेको कार्य निकै रचनात्मक भएको बताउनुभयो । विभिन्न कार्यक्रम गरि संकलन गरेको रकमवाट दिनदुःखि असहायहरुलाई सेवा गर्नु वास्तविक मानव सेवा भएको उहांको भनाई छ ।
सो अवसरमा आश्रममा आवश्यक खाद्यान्नका साथै कपडाहरु पनि प्रदान गरिएको युथ क्लव अफ बुटवल पिपलधाराका अध्यक्ष वद्रि महतले बताउनुभयो । कार्यक्रमा समाजसेवी अर्जुन कुवंर, यदुमणि खनाल, रामजी खड्का, आश्रमका अध्यक्ष रामदाम लगायतले आआफ्ना भनाई राख्नुभएको थियो । सामाजिक क्षेत्रमा क्रियाशिल संस्थाले आगामी दिनमा अझै धेरै रचनात्मक कार्यगर्ने र क्लवलाई संगठित गर्दैै लैजाने योजना रहेको क्लवका रामजी खड्काले बताउनु भयो ।
