अविरल वर्षासंगैको पहिरोले जीप पुर्दा गुल्मीमा चालक सहित २ को मृत्यु, ४ घाइते

बुटवल ६ असार
अविरल परेको वर्षासंगै आएको पहिरोले गुल्मीमा जीप पुर्दा २ जनाको मृत्यु भएको छ भने ४ जना घाइते भएका छन ।
जिल्लाको धुर्कोट गाउँपालिका वडा नम्बर ३ हाडहाडेमा उक्त घटना घटेको धुर्कोट गाउँपालिका अध्यक्ष भुपाल पोख्रेलले बताउनुभयो ।पुरिँदा चालक प्रदीप पुन र यात्रु तुल्सीराम काउछाको मृत्यु भएको जिल्ला प्रहरी कार्यालय गुल्मीका प्रहरी निरिक्षक राजकुमार रावलले बताउनु भयो ।
गुल्मीको पुर्कोट दहवाट हाडहाडे धनमुडा जाँदै गरेको ग १ ज ३९९७ नम्बरको जीप चुने ओडार भन्ने स्थानमा पहिरोले पुरेको हो ।
जीपमा ६ जना सवार रहेको प्रहरीले जनाएको छ ।
उनीहरुलाई उपचारको लागी सन्धिखर्क पठाईएको इलाका प्रहरी कार्यालय पुर्कोट दहका प्रहरी निरिक्षक पकंज चुदाँलीले बताउनु भयोे । जीपमा सवार केशव काउचा, खिम बहादुर काउचा र विशाल काउचा पनि घाईते भएको प्रहरीले जनाएको छ ।