भेरी नदीमा हराएकाको खोजी गर्न एपीएफको गोताखोर टोली परिचालन

बुटवल १४ जेठ
रुकुम पश्चिममा भएको घटनामा परी भेरी नदिमा हराइरहेकाको खोजी कार्यका लागी सशस्त्र प्रहरी बलको गोताखोर टोली परिचालन गरिएको छ ।
जाजरकोट स्थित आश्रीत गुल्मबाट डिएसपीको कमाण्डमा ४ जना गोताखोरसहित ११ जना र सशस्त्र प्रहरी बल नं ४७ गुल्म पश्चिम रुकुमबाट सशस्त्र प्रहरी नायब निरीक्षकको कमाण्डमा ४ जना विपद् व्यवस्थापन तालिम प्राप्त सशस्त्र प्रहरीसहित १८ जनाको टोलि परिचालित भएको सशस्त्र प्रहरी बलले जनाएको छ ।
मंगलवार गृह मन्त्रालयका सहसचिवको नेतृत्वमा छानबिन समिति गठन गरिएको छ । गृहमन्त्री रामबहादुर थापाले छानबिन समितिमा प्रहरी वरिष्ठ उपरीक्षक, राष्ट्रिय अनुसन्धान विभागका प्रतिनिधि, महान्यायाधीवक्ताको कार्यालयका प्रतिनिधि र गृहका उपसचिव रहने गरी समिति गठन गरेको जनाएका छन् ।
उक्त घटनामा परी मृत्यु भएका तीन जनाको शव भेटिएको छ र तीन जना अझै बेपत्ता रहेका छन् ।