बुटवल १४ बैशाख
रुपन्देहीको कञ्चन गाउपालिकामा आत्म हत्या गर्ने क्रम बढेको छ ।
शनिवार एकजना बृद्धले आत्महत्या गरेसंगै कञ्चनमा गत साउन देखि यता यसरी आत्महत्या गर्नेको संख्या ५ पुगेको प्रहरीले जनाएको छ ।
७९ बर्षिय होम बहादुर थापाले थकालीचौकमा रहेको आफ्नै घर पछाडीको आँंपको रुखमा नाइनलको डोरीले घाँंटीमा पासो लगाई आत्म हत्या गरेको इलाका प्रहरी कार्यालय सालझण्डीले जानकारी दिएको छ ।
शुक्रवार दिनभरी घर वरिपरी सफा गरेको र सांँझ परिवारंगै खाना खाएर सुतेका मृतक थापाले शनिवार बिहान आत्म हत्या कसरी किन गरे भन्ने बारे कुनै जानकारी नभएको मृतकका परिवारले जनाएका छन ।
कञ्चन ३ हरैया स्थित आफ्नै जेठो छोरा बुहारीको घरमा बस्दै आएका मृतक थापा सदा झैं शनिवार विहान पनि अन्दाजी ४ बजेतिर घरबाट निस्किएको र करिव ५ बजेतिर निजले आत्म हत्या गरेको हुनसक्ने मृतकका परिवारले जनाएका छन । मृतकले आत्म हत्या गर्नु पुर्व कागजमा आफ्नो पारिवारीक तीन पुस्ते बिबरण,लालपुर्जामा आफ्नो नाम फरक भएको र आफु स्वइच्छाले आत्म हत्या गरेको भनि लेखेर आत्महत्या गर्ने स्थान नजिकै रहेको सानो मन्दिरको भित्तामा टांसेको र सोही बिबरण उल्लेख गरी लेखिएको एउटा कागज आंपको फेंदमा राखेको अवस्थामा फेला परेको इलाका प्रहरी कार्यलय सालझण्डीले जनाएको छ ।
प्राय एका बिहानै थकालीचोकमा रहेको घरमा आउने र घांस काटेर लैजाने ल्याउने गर्ने मृतकको ४ जना छोराहरु बैदेशिक रोजगारको शिललिामा एक जना भारत र अरु तीन जना तेश्रो मुलुक रहेका छन भने शवलाई पोस्टमार्टमका लागि लुम्बिनी प्रादेशिक अस्पताल,बुटवलमा पठाइएको इलाका प्रहरी र्कायलय सालझण्डीले जनाएको छ ।
थकालीचौकमा रहेको आफ्नै घरमा भाडामा बस्नेले बिहान करिब ६ बजेतिर मृतक थापालाई आंपको रुखमा झुण्डिएको अवस्थामा देखे पछि नजिकैको इलाका प्रहरी कार्यलय,रुद्रपुरलाई स्थानियहरुले जानकारी दिएका थिए ।
