दुर्घटनामा एकको मृत्यु, जंगलमा वेवारिसे शव

नवलपरासी, २८ असार । पूर्वी नवलपरासीको कावासोती नगरपालिका १४ डण्डाबाट भित्री सडकमा भएको सवारी दुर्घटनामा एक जना साइकल यात्रीको निधन भएको छ ।
विहीवारराति भएको दुर्घटनामा परी कावासोती १४ निवासी ५६ बर्षीय तुलसीराम थनेतको निधन भएको हो ।
नम्बर नखुलेको सवारी साधनको ठक्करबाट गम्भीर घाइते साइकल यात्री थनेतको उपचारको क्रममा जिल्ला अस्पताल मध्यविन्दु अस्पतालमा निधन भएको प्रहरीले जनाएको छ । प्रहरीले फरार सवारी साधनको खोजी कार्य जारी राखेको जनाएको छ ।
यस्तै पूर्वी नवलपरासीको अरुणखोला चोरमारा बीच जंगलमा एक जना पुरुषको शव फेला परेको छ । प्रहरी चौकी अरुणखोलाका अनुसार शुक्रबार विहान शव भेटिएको हो । मधेसी मुलको जस्तो देखिने पुरुषको शव सडकको बीच भागमा फेला परेको प्रहरीले जनाएको छ ।
अन्दाजी २५÷३० बर्षको मृतकको अझै सनाखत हुन नसकेको प्रहरीले जनाएको छ ।