सुर्खेत २७ असार,
डिभिजन वन कार्यालय सुर्खेतका प्रमुख डीएफओ भक्तबहादुर लामा ४ लाख रुपैयाँ घुससहित पक्राउ परेका छन् ।
अख्तियार दुरुपयोग अनुसन्धान आयोग सुर्खेतको टोलीले लामालाई कार्यालयबाटै शुक्रवार दिउँसो ४ लाख रुपैयाँ घुससहित पक्राउ गरेको हो ।अख्तियार अनुसन्धान कार्यालय सुर्खेतका प्रवक्ता प्रदीप कोइरालाले लामालाई कार्यकक्षबाटै घुससहित पक्राउ गरिएको जानकारी दिए ।
‘हामीले उहाँलाई घुस रकमसहित कार्यालयबाटै नियन्त्रणमा लिएका छौं,’ उनले भने, ‘लामा सेवाग्राहीबाट घुस लिँदालिँदै पक्राउ परेका हुन् ।’
