बुटवल, २७ असार । सिद्धार्थ राजमार्ग अन्तर्गत विहीवाररातीदेखि अवरुद्ध भएको बुटवल तानसेन सडकखण्ड शुक्रवार विहानदेखि एकतर्फी सुचारु भएको छ । सडकखण्डको केरावारी नजिकै राती पहिरो गएपछि सडक अवरुद्ध भएको थियो । सडक डिभिजन कार्यालय पाल्पाले डोजर लगाएर पहिरो हटाएपछि सडक एकतर्फी सुचारु भएको ५ नं प्रदेश ट्राफिक प्रहरीे कार्यालयले जनाएको छ ।
सडक अवरुद्ध हुदा बुटवलबाट तानसेन,पोखरा स्याग्जा, गुल्मी लगायतका स्थानमा जाने आउने सवारी साधन बिच बाटोमा रोकिएका थिए । विहीवार सांझ पनि माथिल्लो सिद्धबाबा नजिकैको हेडवक्समा माथिबाट पहिरो खसेपछि सडक अबरुद्ध भएको थियो । सडकको पहिरो हटाई अवरुद्ध सडक रातीदेखि सञ्चालनमा ल्याईएको थियो ।
