लकडाउनको अवधि चैत २५ गते सम्मलाई थप

काठमाडौं, १६ चैत । सरकारले लकडाउनको अवधि थप गरेको छ । कोरोना भाइरस (कोभिड–१९) को संक्रमण फैलिन नदिन सरकारले यस अघि चैत ११ देखि १८ गतेसम्म घोषणा गरेको लकडाउनको अवधि बढाएर २५ गतेसम्म थप गरेको छ । मन्त्रिपरिषद्को केहीबेर अघि सम्पन्न बैठकले चैत २५ गते १२ बजेसम्म लकडाउनको अवधि बढाउने निर्णय गरेको हो ।
चैत १० गते नेपालमा दोस्रो कोरोना भाइरसको संक्रमण देखिएलगत्तै उच्चस्तरीय समन्वय समितिले यस अघि चैत ११ गते बिहान ६ बजेबाट लागू हुने १८ गते सम्म लकडाउन घोषणा गरेको थियो । सरकारले गरेको निर्णय सार्वजनिक गर्दै सरकारका प्रवक्ता तथा सञ्चामन्त्री युवराज खतिवडाले कोरोना भाइरस फैलिन नदिन सरकारले गरेको लकडाउन आगामी चैत २५ गतेसम्म थप गरेको जानकारी गराउनु भयो ।