रामकुमार श्रेष्ठ
नवलपरासी, ८ असोज । पूर्वी नवलपरासीको कावासोतीमा ६५ बर्षीय जेष्ठ नागरिकले एक बालिकालाई बलात्कार गरेका छन् ।
चितवनको भरतपुर महानगरपालिका १६ घर भई हाल पूर्वी नवलपरासी (नवलपुर)कावासोती १३ गैरीमा बस्दै आएका ६५ बर्षीय टेकबहादुर घलेले १४ बर्षीया बालिकालाई बलात्कार गरेको आरोपमा प्रहरीले नियन्त्रणमा लिएर अनुसन्धान थालेको छ ।
जिल्ला प्रहरी कार्यालय नवलपुरका प्रहरी निरीक्षक राजेन्द्र अधिकारीका अनुसार प्रहरीले उनलाई नियन्त्रणमा लिएर म्याद थप गरी अनुसन्धान थालेको छ ।
बालिकाको गर्भमा ७ महिनाको गर्भ रहेको समेत खुल्न आएको छ । कावासोती १३ का वडाअध्यक्ष विनोद रानाले बालिका गर्भवती समेत भएको पाइएको जानकारी दिनुभयो ।
बालिकाको अभिभावकले जिल्ला प्रहरी कार्यालय नवलपुरमा दोषीमाथि कारवाहीको माग गर्दै जाहेरी दिएका छन् ।
