भैरहवा । जिल्ला प्रहरी कार्यालय रुपन्देही तथा मातहतबाट खटिएको प्रहरी टोलीले शनिबार र आईतबार दुई दिनमा जिल्लाका बिभिन्न स्थानहरुमा चेकजाँच गर्ने क्रममा अबैध रुपमा भन्सार छली चोरी पैठारी गरेको करिव ७ लाख मूल्य बराबरको सामान बरामद गरेको छ ।
जिल्ला प्रहरी कार्यालय रुपन्देहीका प्रहरी टोलीले ६ लाख ८९ हजार २५० मूल्य बरावरको अबैध सामान नियन्त्रणमा लिई आवश्यक कारवाहीको लागि भन्सार कार्यालय बेलहिया तथा पशु क्वारेन्टाईन कार्यालय बेलहियामा बुझाइएको छ ।
जिल्ला प्रहरी कार्यालयबाट खटिएको प्रहरी टोलीले जिल्लाको रोहिणी गाउँपालिका वडा नं. ३ र ७ तथा सिद्धार्थनगर नगरपालिका वडा नं. २ फरेनातबाट ९ गोटा बाख्रा, यु पी ५६ ए ४४३४ नं.को. मोटरसाइकल, बोईलर कुखुरा १९ वटा, दाल खाने मटर ११९ केजी, डाल्डा घिउ १५ केजी ÷ सन फलावर तेल ५० लिटर, पेन ८५ दर्जन, चोको स्टार १३ पाकेट, चोकोलेट बार २४ प्याकेट, टान्ट्सी हनी १२ बट्टा, स्प्राइट ४७ बोतल, र ५ वटा साईकल सहित जिल्ला कपिलबस्तु कपिलबस्तु नगरपालिका वडा नं. ११ बस्ने बर्ष १८ को सिराजुदिन मुनियारलाई नियन्त्रणमा लिएको छ ।
यस्तै इलाका प्रहरी कार्यालय मझगवा र प्रहरी चौकी शिबपुर गोनाहबाट खटिएको संयुक्त प्रहरी टोलीले मायादेबी गाउँपालिका वडा नं. ५ गोनैयाबाट कोटहिमाइ गाउँपालिका वडा नं. ४ बस्ने बर्ष १८ को रबि सहनीले चलाएको लु ५७ प ८९८५ नं.को मोटरसाइकलमा ल्याउंदै गरेको बोइलर कुखुरा ४० पिस र कोटहीमाइ गाउँपालिका वडा नं. ४ बस्ने बर्ष २० को बासुदेब गुप्ताले चलाएको लु ७ प २८१८ नं.को मोटरसाइकलमा ल्याउदै गरेको २ बोरा चिनी, ३ बोरा केराउ मोटरसाइकल सहित नियन्त्रणमा लिएको छ ।
इलाका प्रहरी कार्यालय ओमसतियाबाट खटिएको प्रहरी टोलीले ओमसतिया गाउँपालिका वडा नं.३ कन्पाराबाट ओमसतिया गाउँपालिका वडा नं.५ बस्ने बर्ष ४७ को अनर्जित कुर्मी र तिलोत्तमा नगरपालिका वडा नं.१४ बस्ने बर्ष ४३ को प्रेम नारायण यादवले चलाएको लु १ ह ५१७ नं.को अटो रिक्सामा रहेको २२ कार्टुन टायल अटो रिक्सा बरामद गरेको छ ।
यस्तै इलाका प्रहरी कार्यालय बेलहिया रुपन्देहीबाट खटिएको प्रहरी टोलीले जिल्ला रुपन्देही सिद्धार्थनगर नगरपालिका वडा नं. १ बाइपासबाट जे.सी.बी.को दाँत २५ थान, रेग्जिन कपडा १ रोल र किराना सामान बरामद गरेको छ ।
