पहिरोका कारण गुल्मीको कालिगण्डकी करिडोर दुईतर्फी अवरुद्ध

गुल्मी । गुल्मी जिल्लाको कालिगण्डकी गाउँपालिका वडा नं १ गरगरेमा पहिरो जाँदा कालिगण्डकी करिडोर दुई तर्फी अवरुद्ध भएको छ ।
नेपाल प्रहरी राजमार्ग सुरक्षा तथा ट्राफिक ब्यवस्थापन कार्यालय बुटवलले सामाजिक सञ्जाल मार्फत सूचना प्रकाशित गरी पहिरो खसेर कालिगण्डकी करिडोर सडक दुईतर्फी अवरुद्ध भएको जानकारी गराएको हो ।
आज बिहान ७ः४० बजेको समयमा जिल्ला गुल्मी कालिगण्डकी गाउँपालिका वडा नं १ गरगरेमा पहिरो जाँदा दुई तर्फी सडक अवरुद्ध भएको सूचनामा उल्लेख गरिएको छ ।