भैरहवा । रुपन्देही प्रहरीले मानव बेचबिखन तथा ओसारपसारमा संलग्न चारजनालाई पक्राउ गरेको छ । ३ जना बालिकालाई नेपालबाट भारत तर्फ ललाई फकाई लैजाँदै गरेको अबस्थामा प्रहरीले उनीहलाई पक्राउ गरेको हो ।
प्रहरीका अनुसार लुम्बिनी साँस्कृतिक नगरपालिका वडा न. १३ नेपाल भारत सिमाना कालीदह नाकाबाट शुभ अवसर ग्राम नेपाल र प्रहरी चौकी कालिदह रुपन्देहीबाट खटिएको प्रहरी टोलीले तीनजना जना बालिकाको उद्धार गर्नुका साथै बालिकाहरुलाई भारत तर्फ लैजाने कार्यमा संलग्न रहेका उनीहरुलाई नियन्त्रणमा लिएको हो ।
प्रहरीका अनुसार पक्राउ पर्नेमा भारत उत्तर प्रदेश जिल्ला गोरखपुर कैम्पियरगंज कुवर बलुवा बस्ने बर्ष ३८ की गीता गौड, भारत उत्तर प्रदेश जिल्ला गोरखपुर कैम्पियरगंज कुवर बलुवा बस्ने बर्ष १९ की नेहा पाण्डे, भारत उत्तर प्रदेश जिल्ला गोरखपुर कैम्पियरगंज कुवर वन्दोह बस्ने बर्ष २६ को प्रमोद कुमार धोबी र जिल्ला रुपन्देही गैडहवा गाउँपालिका वडा नं. ६ बस्ने बर्ष १९ की निर्मला लोध रहेका छन् ।
