१२ लाख बढिका प्रिन्टर र प्रेसका सामान सहित गाडी र दुइजना पक्राउ

भैरहवा । जिल्ला प्रहरी कार्यालय रुपन्देहीले जिल्लाको रोहिणी गाउँपालिका वडा नं.४ छिपागढबाट राजश्व छलि बिल बिजक भन्दा बढिका प्रिन्टर र प्रेस सम्बन्धी सामान नियन्त्रणमा लिएको छ ।
बिल बिजक बिनाका सामानहरु ओसारपसार भईरहेको छ भन्ने सूचनाको आधारमा जिल्ला प्रहरी कार्यालयबाट खटिएको प्रहरी टोलीले जिल्ला नवलपरासी पालिनन्दन गाउँपालिका वडा नं.२ बस्ने बर्ष १९ को साहिद कुजडाले चलाएको लु २ च १९३८ नं.को. बलेरो पिकअप गाडी रोकी चेकजांच गर्ने क्रममा राजश्व छली चोरी गरी ल्याउँदै गरेको १२ लाख ३४ हजार ५७३ रुपैयाँ बराबरको विल विजक भन्दा बढीको प्रिन्टर र प्रेस सम्बन्धी सामानहरु नियन्त्रणमा लिएको हो ।
प्रहरीले सामान सहित लु २ च १९३८ नं.को. मालवाहक पिकअप, चालक साहिद कुजडा र यसमा संलग्न भारत उत्तर प्रदेश महाराजगंज जिल्ला राजावारी दुथिबरी बस्ने बर्ष ४० को सिताराम रौनियारलाई पनि नियन्त्रणमा लिएको छ । बरामद भएको सामान, पिकअप गाडी र पक्राउ परेका मानिसलाई आबश्यक कारवाहीको लागि राजश्व अनुसन्धान कार्यालय बुटवल पठाइएको प्रहरीले जनाएको छ ।