भैरहवा । जिल्ला प्रहरी कार्यालय रुपन्देही तथा मातहतबाट खटिएको प्रहरी टोलीले जिल्लाका बिभिन्न स्थानहरुमा चेकजांच गर्ने क्रममा भारतबाट नेपाल तर्फ अबैध रुपमा भन्सार छली चोरी पैठारी गरी ल्याउदै गरेको अवस्थामा करिव ११ लाख २२ हजार १०० रुपैयाँ बरावरको सामान तथा कुखुरा नियन्त्रणमा लिएको छ ।
जिल्ला प्रहरी कार्यालयबाट खटिएको प्रहरी टोलीले आज लुम्बिनी साँस्कृतिक नगरपालिका ६ मा लु ३ च ७३३७ नं. को बलेरो पिकअपमा लोड गरिएका ३ वटा पाडा सहित पिकअप नियन्त्रणमा लिएको छ ।
यस्तै जिल्लाबाट खटिएको प्रहरी टोलीले रोहीणी गाउँपालिका वडा नं. ३ बैकुण्ठपुर र सिद्धार्थनगर नगरपालिका वडा नं. ६ गल्लामण्डीबाट लु ६० प ८९८४ नं., र युपी ५६ जे ७३६१ को मोटरसाइकल सहित बच्चाको चप्पल र जुता ३९ जोर तथा चिनी ६ बोरा बरामद गरेको छ ।
इलाका प्रहरी कार्यालय सुर्यपुराबाट खटिएको प्रहरी टोलीले गैडहवा गाउँपालिका वडा नं. ३ मंगलपुरबाट लु १२ प ७९६१ नं. को मोटरसाइकलमा ल्याउंदै गरेको बोईलर कुखुरा ६४ पिस (१५० के.जी.) सहित मोटरसाईकल बरामद गरेको छ भने इलाका प्रहरी कार्यालय मझगाँवाबाट खटिएको प्रहरी टोलीले कोटहीमाई गाउँपालिका वडा नं. ३ त्रीलोकपुरबाट युपी ३२ ईटी १९८ नं.को मोटरसाईकल सहित तन्ना ३८ पिस बरामद गरेको छ ।
इलाका प्रहरी कार्यालय बेथरीबाट खटिएको प्रहरी टोलीले मायादेवी गाउँपालिका वडा नं. २ तिलौरीबाट लु ६६ प ६३६१ न.को मोटरसाइकल सहित चिनी ४ बोरा बरामद गरेको छ भने प्रहरी चौकी कालिदहबाट खटिएको प्रहरी टोलीले लुम्बिनी साँस्कृतिक नगरपालिका वडा नं. १ बाट बिभिन्न किसिमका मोबाइलको कबर ४५० पिस बरामद गरेको छ ।
बरामद भएका सामान आवश्यक कारवाहीको लागि भैरहवा भन्सार कार्यालय तथा पशु क्वारेन्टाईन चेक पोष्ट कार्यालय बेलहिया रुपन्देहीमा बुझाइएको प्रहरीले जनाएको छ ।
