भैरहवा । जिल्ला प्रहरी कार्यालय रुपन्देहीले हुण्डीको कारोवारमा संलग्न रहेका तीन जनालाई पक्राउ गरेको छ ।
जिल्ला प्रहरी कार्यालय रुपन्देहीबाट खटिएको प्रहरी टोलीले गोप्य सूचनाको आधारमा सिद्धार्थनगर नगरपालिका वडा नं. ५ बैङ्करोडमा लु ६८ प ४७९ नं.को मोटरसाईकलाई रोकी शंका लागी चेकजाँच गर्ने क्रममा मोटरसाइकल चालक रुपन्देहीको सम्मरीमाई गाउँपालिका वडा नं.७ वस्ने बर्ष ३८ को दिनेश वनियाको साथबाट स्रोत नखुलेको रु १३ लाख ५० हजार सहित पक्राउ गर्यो ।
प्रहरीले थप अनुसन्धान कार्यको लागि पक्राउ परेका बानियालाई रुपन्देही जिल्ला अदालतमा पेश गरेकोमा अदालतबाट हुण्डी सम्बन्धी कारोवार गर्न नहुने कसूरमा ७ दिन म्याद थप भई जिल्ला प्रहरी कार्यालयबाट आवश्यक अनुसन्धान कार्य भईरहेको छ ।
यस्तै रुपन्देहीको सिद्धार्थनगर नगरपालिका वडा नं.१२ मा हुण्डी कारोवार हुदै छ भन्ने विशेष सूचनाको आधारमा वडा प्रहरी कार्यालय भैरहवाबाट खटिएको प्रहरी टोलीले जिल्ला कपिलवस्तु, शुद्धोधन गाउँपालिका वडा नं.१ बस्ने वर्ष ४६ को मसिउद्धिन फकिरलाई शंका लागि खानतलासी गर्दा निजले बोकेको कालो र खैरो रंगको झोला भित्र लुकाई छिपाई राखेको अबस्थामा नेपाली नोट रु.३ लाख ८६ हजार २०० र मोवाइल थान १ सहित पक्राउ गर्यो ।
थप अनुसन्धान कार्यको रुपन्देही जिल्ला अदालतमा पेश भएकोमा अदालतबाट हुण्डी सम्बन्धी कारोवार गर्न नहुने कसूरमा ७ दिन म्याद थप भई आवश्यक अनुसन्धान कार्य भईरहेको प्रहरीले जनाएको छ ।
यसैगरी रुपन्देहीको सिद्धार्थनगर नगरपालिका वडा नं.१२ मा हुण्डी कारोवार हुदैछ भन्ने विशेष सूचनाको आधारमा वडा प्रहरी कार्यालय भैरहवाबाट खटिएको प्रहरी टोलीले यूपी ५६ जे १६५३ नं.को मोटरसाईकलाई शंका लागी चेकजाँच गर्ने क्रममा भारत नौतनवा बस्ने बर्ष ५० को कृष्ण अग्रहरीले वोकी आएको झोला खानतलाशी गर्दा कालो र खैरो रंगको झोला भित्र लुकाई छिपाई राखेको अबस्थामा श्रोत नखुलेको नेपाली नोट रु.८ लाख ३९ हजार ४५० र मोबाईल थान १ सहित फेला पारी पक्राउ गु्यो ।
थप अनुसन्धान कार्यको लागि रुपन्देही जिल्ला अदालतमा पेश भएकोमा अदालतबाट हुण्डी सम्बन्धी कारोवार गर्न नहुने कसूरमा ७ दिन म्याद थप भई आवश्यक अनुसन्धान कार्य भईरहेको रुपन्देही प्रहरीले जनाएको छ ।
