बुटवल । बुटवलमा आयोजित ११ औँ बुटवल श्री शारीरिक सुगठन प्रतियोगिताको उपाधी दाङका माधव सुबेदी र नवलपरासीकी रुबिना कुँवरले हातपारेका छन् । फाइनल राउन्डमा अन्य चार प्रतिस्पर्धीलाई पछाडि पार्दै माधव सुवेदी च्याम्पियन बन्न सफल भएका हुन् ।
लुम्बिनीसहित गण्डकी, कर्णाली, सुदुरपश्चिम र मधेस प्रदेशका ५३ जना खेलाडी सहभागि रहेको सो प्रतियोगितामा ६५ केजी तौल समूहबाट बिजेता भइ फाईनल चरणमा पुगेका सुवेदी ओभरअल च्याम्पियन बन्न सफल भए ।
बिभिन्न तौल समूहबाट प्रथम बन्दै छनौट चरण पार गरेका ५ जना बिजेता खेलाडीहरुले अन्तिम प्रतिस्पर्धामा भाग लिएका थिए ।
लुम्बिनी प्रदेश शारीरिक सुगठन तथा फिटनेस संघको आयोजनामा भएको सो प्रतियोगितामा महिला फिजिक्स तर्फको उपाधी भने नवलपरासीकी रुबिना कुँवरले हात पारिन । उनले नगद २० हजार पुरस्कार सहित मेडल, प्रमाण–पत्र र ट्रफि प्राप्त गरिन् ।
यस्तै अर्घाखाँचीकी रिता बिश्वकर्मा र रुपन्देहीकी चुनु पुन क्रमशं दोश्रो र तेश्रो भए । उनीहरुले मेडल, प्रमाणपत्र तथा ट्रफि सहित क्रमशः नगद १० हजार र ५ हजार पुरस्कार प्राप्त गरे । महिलातर्फ भने ५ जना मात्र खेलाडी सहभागि भएका थिए ।
प्रतियोगिताको ५५ केजी तौल समूहतर्फ रुपन्देहीका बिनोद कुमार थापा प्रथम, रुपन्देहीकै सागर विक दोश्रो र बाँकेका करन बडिया तृतीय भए । यस्तै ६० केजी तौल समूहमा कपिलबस्तुका सुरेन्द्र कुमार बर्मा प्रथम, गण्डकी प्रदेशका इश्वर गुरुङ द्वितीय र कास्कीका सुजन थापा तृतीय भए ।
६५ केजी तौल समूहमा नवलपरासीका नवराज डुम्रे प्रथम, गुल्मीका गौतम राना द्वितीय र दाङका प्रतिक चौधरी तेस्रो बनेका छन् ।
यस्तैगरि ७० केजी तौल समूहमा दाङका माधव सुवेदी प्रथम, गण्डकी प्रदेश तनहुँका सन्तोष श्रेष्ठ द्वितीय र सुदुरपश्चिम धनगढीका उदय खड्का तृतीय भए भने ७० केजी तौल भन्दा माथिको समूहमा दाङका दिपजंङ्ग मगर प्रथम, रुपन्देहीका कुशल प्रसाद गुरुङ द्वितीय र रुपन्देहीकै अनिश थापा तृतीय भएका छन् । प्रत्येक तौल समूहमा प्रथम, दोश्रो र तेस्रो भएका खेलाडीहरुले मेडल, प्रमाणपत्र सहित जनही क्रमशः १० हजार ८ हजार र ५ हजार नगद पुरस्कार प्राप्त गरेकाछन् ।
११ औँ बुटवल श्री को उपाधिसंगै सुवेदीले १ लाख नगद पुरस्कार प्राप्त गरे । विजयी खेलाडीहरुलाई बुटवल उपमहानगरपालिका प्रमुख खेलराज पाण्डेय,संघका अध्यक्ष सितु प्रसाद श्रेष्ठलगायतले पुरस्कार बितरण गर्नुभएको थियो ।
