सन्तोषी र मिङमारले जिते साइन दौड प्रतियोगिताको उपाधी

बुटवल । बुटवलमा केन्द्रिय कार्यालय रहेको शाइन रेसुंगा डेभलपमेण्ट बैंकले १७ औं बार्षिकोत्सवको अवसरमा आयोजना गरेको दौड प्रतियोगिताको उपाधी पुरुषतर्फ मिङमार सिङगी तामाङ र महिलातर्फ सन्तोषी श्रेष्ठले जित्न सफल भएका छन् ।
आज आइतबार बिहान सम्पन्न १० किलोमिटर दौडमा सर्वाधिक पुरस्कार राशीको ‘साइन रेसुंगा राष्ट्रिय टेन के रन’ प्रतियोगिताको खुल्लातर्फको उपाधि पुरुषतर्फ मिङमार सिङगी तामाङ र महिलातर्फ सन्तोषी श्रेष्ठले जितेका हुन् ।

प्रतियोगितामा च्याम्पियन बन्दै दुवै खेलाडीले नगद एक– एक लाख रुपैयाँ पुरस्कार हात पारेका छन् । उनीहरुलाई एक कार्यक्रमबीच पुरस्कार प्रदान गरिएको थियो ।