बुटवल । एक्सेस एजुकेशन नेटवर्क प्रा।लि। बुटवलले आफ्नो २० औं स्थापना दिवस बिहीबार मनाएको छ । १९ वर्ष अघि स्थापना भएको एक्सेस एजुकेशनका काठमाडौ सहित देशका मुख्य मुख्य शहरहरुमा ८ वटा शाखा रहेका छन ।
संस्था स्थापना भएको २० औं बर्ष पुगेको अवसरमा बुटवल शाखाले बिहिबार एक कार्यक्रम गरी संस्थाको स्थापना दिवस मनाएको छ ।
सो अवसरमा बोल्दै बुटवल उद्योग वाणिज्य संघका अध्यक्ष हरिप्रसाद अर्यालले अध्ययनका लागि विदेश गए पनि पछि आफ्नै देशमा आएर केही गर्नुपर्ने बताउनुभयो । अध्ययनका लागि बिदेश जाने बिद्यार्थीको पहुच बिदेश मात्र नभएर स्वदेशमा पनि हुनुपर्ने बताउनु भयो ।
तिलोत्तमा उद्योग वाणिज्य संघका अध्यक्ष ज्ञानेन्द्र कार्कीले विद्यार्थीको रोजाइ वैदेशिक अध्ययन देखिएकोले भरपर्दो माध्यमबाट जानुपर्ने बताउनुभयो । अध्ययनका लागि बिद्यार्थीहरुलाइ बिदेश पठाउने संस्थाहरुले जानु पूर्व र गैसकेपछि गर्नुपर्ने कृयाकलापका बिषयमा जानकारी गराउनु पर्ने सुझाव दिनुभयो ।
इक्यान रुपन्देहीका अध्यक्ष गिरीराज पाण्डेयले इक्यानमा आबद्ध कन्सलटेन्सिहरु भरपर्दो हुने बताउनु भयो । उहाले बिद्यार्थीहरुले भर्पर्दो, सबै मापदन्ड पुरागरेका कन्सेल्टेन्सी बुझेर मात्र बैदेशिक अध्ययनको प्रकृया अगाडि बढाउन सुझाव दिनुभयो ।
एक्सेस एजुकेशन नेटवर्कका सञ्चालक कमल भुसालले नेपाली विद्यार्थीहरुलाई न्यूजिल्याण्ड, अष्ट्रेलिया, क्यानडा, युके र अमेरिकामा अध्ययनका लागि पठाउन सहजिकरण गर्दै आइरहेको बताउनु भयो । नेटर्वकका अर्का सञ्चालक विवेक बरुणले निकट भविष्यमा भैरहवामा पनि शाखा सञ्चालनमा आउने तयारीमा रहेको बताउनुभयो । संस्थाका कर्मचारी बिनिता भुसालले एक्सेस प्रति सबै बिद्यार्थी सन्तुष्ट रहेको र अहिले सम्म कसैको गुनासो नआएको बताउनु भयो ।
संस्थाको स्थापना दिवसको अवसरमा केक काटिएको थियो भने संस्थाको तर्फबाट तिलोत्तमाको टिकुलीगढ मा बि मा अध्ययनरत छात्रा सरिता केवटलाई छात्रवृत्ति रकम १३ हजार ५० रूपिया प्रदान गरिएको छ ।
