रुपन्देही प्रहरीद्वारा ६ लाख बढिको भन्सार छलीको सामान बरामद

भैरहवा । जिल्ला प्रहरी कार्यालय रुपन्देही तथा मातहतबाट खटिएको प्रहरी टोलीले जिल्लाका बिभिन्न स्थानहरुमा चेकजाच गर्ने क्रममा ६ लाख बढिको अबैध सामान बरामद गरेको छ ।
प्रहरी टोलीले भारतबाट नेपाल तर्फ अबैध रुपमा भन्सार छली चोरी निकासी÷पैठारी गरेको अवस्थामा अन्दाजी मुल्य रु. ६ लाख १० हजार ३ सय बरावरको सामान बरामद गरी आवश्यक कारवाहीको लागि भैरहवा भन्सार कार्यालय बेलहियामा बुझाएको छ ।
चेक जांचका क्रममा जुत्ता ४८० जोर, मटर दाल ६२ बोरा, प्याज १७ बोरा र चिनी ७ बोरा बरामद भएको प्रहरीले जनाएको छ ।