मंसिर १६ गते स्थानीय तहका ४० पदमा उपनिर्वाचन : पद, स्थानीय तह, संख्या र जिल्ला (सूचि सहित)

काठमाडौं । सरकारले स्थानीय तहमा रिक्त रहेका पदमा निर्वाचनबाट नयाँ जनप्रतिनिधि छनोट गर्न मंसिर १६ गते लाइ उपनिर्वाचनको दिन निश्चित गरेको छ ।

निर्वाचन आयोगका अनुसार दुर्घटना, प्रकोप र रोग व्याधि लगायतका कारण जनप्रतिनिधिको निधन हुँदा अहिलेसम्म स्थानीय तहका विभिन्न ४० पदहरू खाली रहेका छन् ।

आयोगका अनुसार उपनिर्वाचन हुनेमा जिल्ला समन्वय समिति प्रमुख २, गाउँपालिका अध्यक्ष २, नगरपालिका प्रमुख १, गाउँपालिका उपाध्यक्ष ४, नगरपालिका उपप्रमुख १, गाउँपालिका वडाध्यक्ष ९ र नगरपालिका वडाध्यक्ष २१ गरी जम्मा ४० पद रहेका छन् । स्थानीय तहमा एक वर्षको पदावधि छँदै कुनै पद रिक्त रहेमा उपनिर्वाचन गराउनुपर्ने व्यवस्था छ ।

त्यसै अनुसार निर्वाचन आयोगले उपनिर्वाचन प्रयोजनका लागि साउन २९ गते मतदाता नामावलीमा नाम दर्ता गर्न आह्वान गरेको थियो । २०७९ वैशाख ३० गते स्थानीय तहको निर्वाचन सम्पन्न भएको थियो । निर्वाचन आयोगले अन्तिम मतदाता नामावली स्वीकृत गरी प्रकाशन गरेको मितिसम्ममा कुनै पनि पद खाली भएमा मंसिर १६ गते नै उपनिर्वाचन गराउनेछ । आयोगले जनाएअनुसार अबको एक महिनामा अन्तिम मतदाता नामावली स्वीकृत गरेर प्रकाशन गरिनेछ ।

उपनिर्वाचन हुन लागेका अधिकांश पदमा यसअघि नेपाली काँग्रेसका उम्मेदवार बिजयी भएका थिए भने त्यसपछि नेकपा माओवादी केन्द्र र नेकपा एमालेका उम्मेदवार विजयी भएका थिए । नेपाली काँग्रेसका २ वटा जिल्ला समन्वय समिति प्रमुख, ३ पालिका प्रमुख, ३ पालिका उपप्रमुख र १७ वडाध्यक्ष गरी २५ पदमा जनप्रतिनिधि निर्वाचित भएका थिए भने नेकपा माओवादीका २ पालिका उपाध्यक्ष र ५ वडाध्यक्ष गरी जम्मा ७ पदमा तथा नेकपा एमालेका ६ वडाध्यक्ष निर्वाचित थिए ।

जनता समाजवादीले जितेको १ वडाध्यक्ष र स्वतन्त्र (कैँची)ले जितेको १ वडाध्यक्ष पद पनि रिक्त रहेकाले उपनिर्वाचन हुँदै छ ।

उपनिर्वाचन हुने पद, स्थानीय तह, संख्या र जिल्ला :