तिलोत्तमा । बुटवल उपमहानगरपालिका ८ सुख्खानगरमा रहेको धौलागिरी बहुउद्देशीय सहकारी संस्थाले संस्थाको २५ औं स्थापना दिवशको अवसरमा रुपन्देहीको तिलोत्तमा नगरपालिका वडा नम्बर ६ मणिग्राम पश्चिममा रहेको रामचन्द्र मैनादेवी अनाथ आश्रममा खाद्यान्न सहयोग गरेको छ ।
कार्यक्रममा सहकारीका अध्यक्ष गोबिन्द खनालले सहकारीको अवस्थाका वारेमा प्रकाश पार्दै सहकारीले सामाजिक उत्तरदायित्व बहन गर्नुपर्दछ भन्ने मान्यतालाई आत्मसाथ गर्दै अनाथ आश्रममा खाद्यान्न प्रदान गरिएको बताउनु भयो ।
रामचन्द्र मैनादेवी अनाथ आश्रमकी सन्चालिका मैनादेवि भण्डारीले समाजमा असल कार्य गर्न निकै कठिन हुने भन्दै धौलागिरी सहकारीले आफ्नो स्थापना दिवसमा आश्रमलाई सम्झेर खाद्यान्न सहयोग प्रदान गरेको भन्दै सहकारी संस्था र संस्थाका पदाधिकारी सदस्यहरुलाई धन्यवाद ज्ञापन गर्नुभयो ।
तिलोत्तमा नगरपालिकाका प्रमुख रामकृष्ण खाँणले सहकारी संस्थाले आफ्नो स्थापना दिवसमा आश्रमलाई गरेको सहयोग मानविय र सामाजिक हिसावले सह्रानीय र अनुकरणिय रहेको बताउनु भयो ।
रामचन्द्र र मैनादेवीले अनाथ आश्रम स्थापना गरेर उत्कृष्ट कार्य गरेको भन्दै यस्ता कार्य संसारमा विरलै मानिसले मात्र गर्न सक्ने भएकाले यस्ता मानविय सेवाभावमा लाग्नेहरुलाई हरेक क्षेत्रवाट सहयोग गर्नु पर्ने प्रमुख खाँणले बताउनु भयो ।
खाद्यान्न वितरण कार्यक्रममा सहकारीका व्यवस्थापक पुजा ज्ञवाली, संस्थाका पदाधिकारी, संचालक सदस्य, शेयर सदस्य र कर्मचारीहरुको सहभागिता रहेको सहकारीका सचिव ठाकुर घिमिरेले बताउनु भयो ।
