बुटवल । पश्चिमाञ्चल यातायात व्यवसायी समितिमा कार्यरत स्वतन्त्र कर्मचारी युनियनको १० औ वार्षिक साधारण सभा तथा ७ औ अधिबेशनमा वोल्नेहरुले श्रमिक र व्यवस्थापनपक्षको सम्बन्ध नङ र मासुको हुनु पर्नेमा जोड दिएका छन् । कुनै पनि संघ संस्थालाई सफल बनाउने हात भनेको कर्मचारीको हुने भएकाले हरेक संघ संस्थाका संचालकहरुले कर्मचारीलाई खुशी वनाउन आबश्यक रहेको पनि उनीहरुले औल्याए । कार्यक्रममा पश्चिमाञ्चल यातायात व्यवसायी समितिका अध्यक्ष टीकाराम गौतमले विगत देखि नै संस्था र कर्मचारी संगको सम्बन्ध सुमधुर रहदै आएको र आगामी दिनमा पनि त्यसलाई थप प्रगाढ बनाउदै लैजाने धारणा राख्नु भयो ।
श्रम कार्यालय बुटवलका प्रमुख कृष्ण प्रसाद खनालले श्रमिक र व्यवस्थापनपक्ष मिलेर अघि बढेमा हरेक व्यवसायिक प्रतिष्ठान सफलहुने धारणा राख्नु भयो । कर्मचारीको भूमिकालाई उच्च सम्मानका साथ प्राथमिकता दिन सुझाव दिनु भयो । पश्चिमाञ्चल यातायात व्यवसायी समितीका निर्वतमान अध्यक्ष यम प्रसाद पाण्डेले कर्मचारीहरुनै संघ संस्थाको पिल्लर भएकाले उनीहरुलाई निजामती कर्मचारी सरह सेवा सुविधा दिदै आएको धारणा राख्नु भयो
पश्चिमाञ्चल यातायात व्यवसायी समितिका वरिष्ठ उपाध्यक्ष कमल घिमिरे, महासचिव खिमबहादुर थापाले संचालकहरु फेरिदै जाने र कर्मचारी भनेका स्थायी हुने भएकाले कर्मचारीको भूमिका महत्वपूर्ण हुने धारणा राख्नु भयो । व्यवस्थापनपक्ष र कर्मचारी बीचको सम्बन्ध नङ र माुसको रहनु पर्नेमा उहांहरुले जोड दिनु भयो । कार्यक्रममा पश्चिमाञ्चल यातायात व्यवसायी समितिका कार्यालय प्रमुख बाबुराम अधिकारी र स्वतन्त्र कर्मचारी युनियनका पूर्व अध्यक्ष प्रकाश गैरेले कर्मचारी र व्यवस्थापनपक्ष बीचको सम्बन्धलाई थप प्रगाढ बनाउदै समितिको विधिविधान र नीति नियमलाई आत्मसाथ गरेर अगाडी बढ्दा कसैलाई पनि समस्या नहुने धारणा राख्नु भयो । कार्यक्रममा विभिन्न व्यक्तित्वहरुलाई सम्मान गरिएको थियो ।
यसैविच स्वतन्त्र कर्मचारी युनियनको अधिबेशनवाट हिम्मत आचार्यको अध्यक्षतामा नयाँ नेतृत्व चयन भएको छ । समितिको प्रथम उपाध्यक्षमा राम प्रसाद गौतम, द्वित्तीय उपाध्यक्षमा राम थापा, सचिवमा भूमिमाया राना, सह सचिवमा पदम पाण्डे र कोषाध्यक्षमा विबश वस्याल चयन हुनुभएको निर्वाचन समितिका संयोजक प्रकाश गैरेले बताउनु भयो । त्यस्तै सदस्यमा क्षेत्र बहादुर गुरुङ, विष्णुमाया भुसाल, अनिल श्रेष्ठ, गोपाल चापागाई र चित्रबहादुर थापा चयन हुनुभएको छ ।
